November 12, 2025
මිනීමැරුම් සහ අනෙකුත් බරපතළ අපරාධ ඇතුළුව ඉන්ටර්පෝල් රතු නිවේදන යටතේ අවශ්‍යව සිටින ශ්‍රී ලාංකිකයන් 82 දෙනෙකුගෙන් 15 දෙනෙකු දැනට එක්සත් අරාබි එමීර් රාජ්‍යයේ (UAE) පදිංචිව සිටින බව බලධාරීන් මේ වන තහවුරු කර ඇතැයි වාර්තා වේ.
ජ්‍යෙෂ්ඨ පොලිස් නිලධාරියකු උපුටා දක්වමින් රාජ්‍ය පුවත්පතක් වන දිනමිණ පුවත්පත් වාර්තා කරන්නේ, එක්සත් අරාබි එමීර් රාජ්‍ය ආරක්ෂක ආයතන මෙම පුද්ගලයන් සිටින බව ඉන්ටර්පෝල් වෙත දැනුම් දී ඇති අතර ඔවුන් සමීපව නිරීක්ෂණය කරමින් සිටින බවයි.
සංවිධානාත්මක අපරාධවලට සම්බන්ධ කුප්‍රකට මත්ද්‍රව්‍ය ජාවාරම්කරුවකු වන ලලිත් කන්නන්ගර ඔක්තෝබර් මාසයේදී ඩුබායි පොලිසිය විසින් අත්අඩංගුවට ගෙන තිබිණි.
ඔහුව ශ්‍රී ලංකාවට පිටුවහල් කිරීමට උත්සාහ කළද, ඔහු එක්සත් අරාබි එමීර් රාජ්‍යයේ ශ්‍රේෂ්ඨාධිකරණයට අභියාචනයක් ගොනු කිරීම නිසා ක්‍රියාවලිය ප්‍රමාද වී ඇත.
නීතිමය කටයුතු අවසන් වීමට අවම වශයෙන් මාස හතරක් ගත විය හැකි බව ජ්‍යෙෂ්ඨ පොලිස් නිලධාරියකු පවසා තිබේ.
නඩුවට සහාය වීම සඳහා ශ්‍රී ලාංකික නීති නියෝජිතයකු දැනටමත් ඩුබායි වෙත ගොස් ඇති බව ඔහු තවදුරටත් පවසා තිබිණි.
