තාක්ෂණය මත පදනම් වූ ඇඳුම් නිර්මාණ සඳහා ප්‍රසිද්ධ ජපන් විලාසිතා නිර්මාණකරුවකු වන ISSEY MIYAKE සහ Apple සමාගම එක්ව ඕනෑම iPhone මාදිලියක ගැළපෙන බහාලුමක් iPhone Pocket නමින් එළි දක්වා තිබේ.

ඒකීය 3D-ගොතන ලද නිර්මාණයක් ලෙස හඳුන්වා දී ඇත.

නොවැම්බර් 14 වැනි සිකුරාදා සිට, තෝරාගත් Apple Store මධ්‍යස්ථානවලින් සහ ප්‍රංශය, මහා චීනය, ඉතාලිය, ජපානය, සිංගප්පූරුව, දකුණු කොරියාව, එක්සත් රාජධානිය සහ ඇමරිකා එක්සත් ජනපදය යන රටවලට apple.com ඔස්සේත් ලබා ගත හැකිය.

iPhone Pocket අතේ ගෙන යා හැකි, බෑග්වලට බැඳ තැබිය හැකි හෝ ශරීරය මත කෙලින්ම පැළඳිය හැකි ආදී විවිධ ආකාරවලින් පැළඳිය හැකිය.

කෙටි පටි නිර්මාණය අලංකාර වර්ණ අටකින් සහිතය. කෙටි පටි නිර්මාණය ලෙමන්, මැන්ඩරින්, දම්, රෝස, මොනර නිල්, නිල් මැණික් නිල්, කුරුඳු වර්ණය සහ කළු යන වර්ණවලින් ලබා ගත හැකිය

දිගු පටි නිර්මාණය නිල් මැණික් නිල්, කුරුඳු වර්ණය සහ කළු යන වර්ණ තුනෙන් ලබා ගත හැකිය.

කෙටි පටිවලින් යුතු iPhone Pocket එක ඩොලර් 149.95කට සහ දිගු පටි නිර්මාණය ඩොලර් 229.95 මිලකට අලෙවි කෙරේ.

“iPhone Pocket ‘ඔබටම ගැළපෙන පරිදි iPhone පැළඳීමේ ප්‍රීතිය’ යන සංකල්පය ඔස්සේ ක්‍රියාත්මක වේ.

එහි සැලසුමේ සරල බව අපි ISSEY MIYAKE හි පුහුණු කරන දේ ප්‍රතිරාවය කරයි – හැකියාවන් සහ පුද්ගලික අර්ථ නිරූපණයන් සඳහා ඉඩ දීම සඳහා දේවල් අඩුවෙන් අර්ථ දක්වා තැබීමේ අදහස.”

“Apple සහ ISSEY MIYAKE ශිල්පීයත්වය, සරල බව සහ සතුට සමරන නිර්මාණයක්,” යැයි Apple හි කාර්මික නිර්මාණ අංශයේ උප සභාපති මොලී ඇන්ඩර්සන් පැවසීය.

ජපානයේ නිර්මාණය කරන ලද iPhone Pocket, ISSEY MIYAKE හි සිදු කරන ලද පර්යේෂණ සහ සංවර්ධනයේ ප්‍රතිඵලයකි.

මෙම නිර්මාණය ‘රෙදි කැබැල්ලක්'(a piece of cloth) යන සංකල්පයෙන් ආභාෂය ලබා ගෙන තිබේ.

iPhone Pocket හි සංවර්ධනය සහ සැලසුම Apple Design Studio සමඟ සමීප සහයෝගීතාවක ප්‍රඵලයකි.