දකුණු කොරියාවේ දකුණු ජියොංසැං පළාතේ ගෝසොං හි මත්ස්‍ය ගොවිපළක සේවය කළ ශ්‍රී ලාංකිකයන් දෙදෙනෙකු ඇතුළු කම්කරුවන් තිදෙනෙකු මියගොස් සිටියදී හමුවී තිබේ.

ඒ සම්බන්ධයෙන් පොලිස් පරීක්ෂණයක් ආරම්භ කර ඇති බව දකුණු කොරියානු මාධ්‍ය වාර්තා කරයි.

ජියොංනාම් පළාත් පොලිස් ඒජන්සියට අනුව, නොවැම්බර් 09 වැනිදා රාත්‍රී 8:30ට පමණ ගෝසොං ගොවිපළේ විශාල ජලාශයක් තුළ මියගොස් සිටි කම්කරුවන් තිදෙනා වන්නේ, වයස අවුරුදු 50ක කොරියානු ජාතික ස්ථාන කළමනාකරු සහ වයස අවුරුදු 20 සහ 30 ගණන්වල ශ්‍රී ලාංකික සේවකයන් දෙදෙනෙකි.

පුවත් වාර්තාවේ තවදුරටත් සඳහන් වන්නේ ඒ වන විට ජලාශය ජලයෙන් පිරී තිබූ බවයි.

පියා ප්‍රතිචාර නොදක්වන බවට වයස අවුරුදු 50ක පුද්ගලයාගේ පවුලේ අයගෙන් එදිනම සවස 7:38ට වාර්තාවක් ලැබීමෙන් පසු පොලිසිය ඔවුන්ගේ විමර්ශනය ආරම්භ කර ඇත.

විදේශීය ශ්‍රමිකයන්ගෙන් එක් අයෙකු වැඩ ඇඳුම්වලට සමාන ඇඳුම් ඇඳ සිටි අතර අනෙක් දෙදෙනා වෙනත් ඇඳුම් ඇඳ සිටියහ.

දකුණු කොරියානු බලධාරීන් මියගිය අයගේ මරණ පරීක්ෂණ පැවැත්වීමට සහ සිදුවිය හැකි ආරක්ෂක අනතුරු හා විය හැකි නොසැළකිල්ල ඇතුළු නිශ්චිත තත්ත්වයන් තීරණය කිරීම සඳහා සමාගම විමර්ශනය කිරීමට සැලසුම් කරයි.