October 31, 2025
මහනුවරදී කළ ප්රකාශය සම්බන්ධයෙන් පොලිස්පති ප්රියන්ත වීරසූරිය කණගාටුව පළ කළ බව සමගි ජන බලවේගයේ පාර්ලිමේන්තු මන්ත්රී ජගත් විතාන පැවසීය.
විපක්ෂ මන්ත්රීවරුන්ගේ ආරක්ෂාව සම්බන්ධයෙන් පොලිස්පතිවරයා සහ කථානායකවරයා සහභාගීත්වයෙන් පාර්ලිමේන්තුවේ පැවති රැස්වීමෙන් පසු ඔහු මාධ්යවේදීන් අමතමින් මේ බව සඳහන් කළේය.
ආරක්ෂාව ඉල්ලා සිටින සියලුම මන්ත්රීවරුන්ට ආරක්ෂාව සැපයීමට කථානායක ජගත් වික්රමරන්ත සහ පොලිස්පතිවරයා එකඟ වූ බව මන්ත්රීවරයා පැවසීය.
කණ්ඩායම් කිහිපයකින් තමාට තර්ජන ඇති බව පොලිස්පතිවරයා දැනුම් දුන් බවත්, ඒ පිළිබඳ විශේෂ අවධානයක් යොමු කරන බවට සහතික වූ බවත් මන්ත්රී විතාන පැවසීය.
විපක්ෂ මන්ත්රීවරුන්ගේ ඉල්ලීමකට අනුව පාර්ලිමේන්තුවේ කතානායකවරයාගේ ප්රධානත්වයෙන් අද සාකච්ඡාවක් පැවැත්විණි.
මෑතකදී තමාට මරණ තර්ජන එල්ල වන බව ප්රකාශ කළ සමගි ජන බලවේගයේ මන්ත්රී ජගත් විතාන පාතාල නායකයන් සමඟ සම්බන්ධතා පවත්වා ඇති බවට පරීක්ෂණවලින් හෙළි වී ඇති බව පොලිස්පති වීරසූරිය මෑතකදී මහනුවරදී පැවසීය.
