“මම ශක්තිමත් කාන්තාවක්. මේ කටකතා නිසා මම ගොඩනඟා ගත් දේ විනාශ කිරීමට මම ඉඩදෙන්නේ නැහැ,” නිළි ශ්‍රීමාලි ෆොන්සේකා අද (27) පැය කිහිපයක් අපරාධ පරීක්ෂණ දෙපාර්තමේන්තුව (CID) විසින් ප්‍රශ්න කිරීමෙන් පසු වාර්තාකරුවන්ට පැවසුවාය.

එහිදී ශ්‍රීමාලි ෆොන්සේකා, ‘කෙහෙල්බද්දර පද්මේ’ ලෙස හඳුන්වන, රඳවාගෙන සිටින පාතාල චරිතයක් වන මන්දිනු පද්මසිරි පෙරේරා සමඟ තමා සම්බන්ධ කරන බවට එල්ල වන චෝදනා ප්‍රතික්ෂේප කරමින්, ඇයට ඔහු සමඟ පෞද්ගලික සබඳතා නොමැති බව පැවසුවාය.

“මම ඔහුව දන්නේ නැහැ. මම වරක් මගේ පවුලේ අය සමඟ ඩුබායි හි පැවති අලුත් අවුරුදු උත්සවයකට සහභාගී වුණා. බොහෝදෙනෙක් අප සමඟ ඡායාරූප ගත්තා. ඔහු ඔවුන් අතර සිටියා. රසිකයන් පින්තූර ඉල්ලන විට, අපි ප්‍රතික්ෂේප කරන්නේ නැහැ,” ඇය පැහැදිලි කළාය.

සමාජ මාධ්‍යවල නොයෙක් තොරතුරු හුවමාරු වුවද, තමා එයින් කම්පා නොවන නවද ශ්‍රීමාලි ෆොන්සේකා තවදුරටත් පැවසුවාය.

“අන්තර්ජාලය හරහා කියන දේවල් මම දන්නවා, නමුත් ඕපාදූපවලට මගේ නම හෝ විශ්වාසය විනාශ කිරීමට මම ඉඩදෙන්නේ නැහැ,” ඇය පැවසුවාය.

පසුගිය සතියේ නිරූපිකාවක් සහ ව්‍යාපාරික කාන්තාවක් වන පියුමි හංසමාලි සම්බන්ධ ප්‍රශ්න කිරීමේ වටයකින් පසුව මෙම පරීක්ෂණය සිදුකර තිබේ.