October 27, 2025
ස්කාගාර බලපත්රයක් සම්බන්ධයෙන් යූ ටියුබ් නාලිකාවක් ඔස්සේ කරන ලද අපහාසාත්මක ප්රකාශ සම්බන්ධයෙන් කර්මාන්ත හා ව්යවසායකත්ව සංවර්ධන නියෝජ්ය අමාත්ය චතුරංග අබේසිංහ මහතා විසින් වරුණ රාජපක්ෂට එන්තරවාසියක් යොමුකර තිබේ.
නියෝජ්ය අමාත්ය කාර්යාලය නිවේදනයක් නිකුත් කරමින් කියාසිටියේ, නියෝජ්ය අමාත්ය අබේසිංහ ඉලක්ක කරගත් අසත්ය හා අපහාසාත්මක චෝදනා මාලාවක් වරුණ රාජපක්ෂ විසින් මෙහෙයවනු ලබන යූ ටියුබ් නාලිකාවක් හරහා සංසරණය වී ඇති බවයි.
මෙම එන්තරවාසිය මගින් සිදු වූ අපහාසය සඳහා වන්දි ඉල්ලා සිටින බව එම නිවේදනයේ වැඩිදුරටත් සඳහන් වේ.
සැකසහිත තත්වයන් යටතේ ස්කාගාර බලපත්රයක් පිළිබඳව සාකච්ඡා කිරීම සඳහා නියෝජ්ය අමාත්ය චතුරංග අබේසිංහ සහ පාර්ලිමේන්තු මන්ත්රී නජිත් ඉන්දික කිංග්ස්බරි හෝටලයේදී ව්යාපාරිකයකු හමුවූ බවට මෑතකදී එල්ල වූ චෝදනා හේතුවෙන් මෙම මතභේදය ඇති වී තිබේ.
