ජාතික කණ්ඩායම් තේරීම් කමිටුව සඳහා ශ්‍රී ලංකා ක්‍රිකට් ආයතනය සාමාජික ක්‍රිකට් සමාජ සහ සංගම්වලින් නාමයෝජනා කැඳවා තිබේ.

2025 ඔක්තෝබර් 23 දිනැති චක්‍රලේඛයකින්, ශ්‍රී ලංකා ක්‍රිකට් ආයතනයේ ලේකම් බන්දුල දිසානායක ඊළඟ තේරීම් කමිටුවට සළකා බැලීම සඳහා නිල නාමයෝජනා කැඳවා ඇත.

එම නාමයෝජනා බලයලත් නියෝජිතයන් විසින් නිසි ලෙස අත්සන් කර 2025 නොවැම්බර් 5 හෝ ඊට පෙර මණ්ඩලයට ලබා දෙන ලෙස ඔහු ඉල්ලා සිටියේය.

ශ්‍රී ලංකාවේ හිටපු නායක උපුල් තරංගගේ නායකත්වයෙන් යුත් වත්මන් තේරීම් කමිටුවේ ධුර කාලය අවසන් වීමට ආසන්න වන විට මෙම නාමයෝජනා කැඳවීම සිදු කෙරේ.

2023 ICC ලෝක කුසලාන තරඟාවලියේ ශ්‍රී ලංකාවේ විනාශකාරී පරාජයෙන් පසුව පත් කරන ලද අජන්ත මෙන්ඩිස්, ඉන්දික ද සේරම් සහ තරංග පරණවිතාන ද දැනට පවතින කමිටුවට ඇතුළත් වන අතර, එහිදී ජාතික කණ්ඩායම 2025 චැම්පියන්ස් කුසලානයට සුදුසුකම් ලබා ගැනීමට අපොහොසත් විය.

එතැන් සිට, ශ්‍රී ලංකාවේ දක්ෂතා යම් දියුණුවක් පෙන්නුම් කර ඇති අතර, ජාතික කණ්ඩායම දැනට එක්දින තරගවලදී 4 වැනි ස්ථානයේ සහ ටෙස්ට් තරගවලදී 6 වැනි ස්ථානයේ පසුවන අතර, T20 ක්‍රිකට් ක්‍රීඩාවේ 8 වැනි ස්ථානයේ පසුවීම කණස්සල්ලට කරුණකි.

ශ්‍රී ලංකා ක්‍රිකට් ආයතනය විසින් කරන ලද නිර්දේශ අනුගමනය කරමින් ක්‍රීඩා අමාත්‍යවරයා විසින් ජාතික ක්‍රිකට් තේරීම් කමිටුව පත් කරනු ලැබේ.