මිනුවන්ගොඩ, යටියන ප්‍රදේශයේ නිවසකදී 71 හැවිරිදි කාන්තාවක් ඝාතනය කර ඇති බව පොලිසිය වාර්තා කරයි.

වාර්තාවලට අනුව, වසර දෙකකට පෙර තම සැමියා මියගිය දා සිට තනිව ජීවත් වූ එම කාන්තාව, හඳුනානොගත් ප්‍රහාරකයන් විසින් පහර දී, දූෂණය කර, මරාදමා ඇති බව කියනු ලැබේ.

ප්‍රහාරකයන් ඇගේ මුහුණට මිරිස් කුඩු විසිකර ගෙළ සිරකර මරාදමා ඇති බව පොලිසිය පවසයි.

ඊයේ (24) අසල නිවසක කාන්තාවක් මෙම කාන්තාවගේ නිවසට ගිය විට, ඇය බිම නිශ්චලව වැටී සිටිනු දැක ඇත.

ඇගේ මුහුණේ මිරිස් කුඩු සලකුණු දුටු අසල්වැසි කාන්තාව මෙම අපරාධය පිළිබඳව වහාම මිනුවන්ගොඩ පොලිසියට දැනුම්දී තිබේ.

මිනුවන්ගොඩ වැඩබලන මහේස්ත්‍රාත් ඉන්ද්‍රානි රත්නායක සිද්ධිය වූ ස්ථානයට පැමිණ මළසිරුර පශ්චාත් මරණ පරීක්ෂණය සඳහා ගම්පහ අධිකරණ වෛද්‍ය නිලධාරියා වෙත යැවීමට නියෝග කර තිබේ.

සිද්ධියට සම්බන්ධ සැකකරුවන් හඳුනාගෙන අත්අඩංගුවට ගැනීම සඳහා මිනුවන්ගොඩ පොලිසිය පරීක්ෂණයක් ආරම්භ කර තිබේ.