උත්තර් ප්‍රදේශ් ප්‍රාන්තයේ ශ්‍රාවස්ති හි හෝටලයක 71 හැවිරිදි ශ්‍රී ලාංකික කාන්තාවක් මියගොස් සිටියදී සොයා ගෙන තිබේ.

මියගිය කාන්තාව සුනිල් ශාන්ති ද සිල්වාගේ බිරිඳ ලෙස හඳුනාගෙන ඇති බව නිලධාරීන් ප්‍රකාශ කර ඇත.

ඉන්දීය නිලධාරීන්ට අනුව, ශ්‍රී ලංකාවේ සංචාරකයන් 46 දෙනෙකුගෙන් යුත් කණ්ඩායමක් ශ්‍රාවස්තිපුර බෞද්ධ භූමිය නැරඹීමට පැමිණ තිබේ.

අඟහරුවාදා, මෙම කාන්තාව ඇගේ කාමරයෙන් පිටතට නොපැමිණි නිසා, සංචාරකයන් හෝටල් කාර්ය මණ්ඩලයේ සහාය ඇතිව දොර විවෘත කර කාන්තාවගේ මළ සිරුර සොයා ගෙන ඇත.

හෝටල් කාර්ය මණ්ඩලය කළමනාකරුට දැනුම්දීමෙන් පසුව, සිද්ධිය පිළිබඳව පොලිසියට දැනුම් දී තිබේ.

පොලිස් ස්ථානාධිපති ලාල් සහේබ් සිං පැවසුවේ තොරතුරු ලැබුණු පසු, පොලිස් නිලධාරීන් එම ස්ථානයට පැමිණ මළ සිරුර පශ්චාත් මරණ පරීක්ෂණය සඳහා යොමු කළ බවයි.

මේ සම්බන්ධයෙන් පරීක්ෂණයක් ආරම්භ කර ඇති බව ඔහු පැවසීය.

කාන්තාවගේ මරණය වාර්තා වූ වහාම ශ්‍රී ලංකා තානාපති කාර්යාලයට දැනුම් දුන් බව පොලිස් අධිකාරී රාහුල් භාති පැවසීය.

පශ්චාත් මරණ පරීක්ෂණ වාර්තාව සාමාන්‍ය පරිදි පැවති අතර, දේහය ශ්‍රී ලංකාවට ආපසු ලබා දීම සඳහා තානාපති කාර්යාලයට ලිපියක් යවන ලදී.

“කිසිදු පැමිණිල්ලක් ලැබී නැහැ, මියගිය කාන්තාව සමඟ පැමිණි ශ්‍රී ලාංකික සංචාරකයා දේහය ආපසු රැගෙන ගිහින්,” පොලිස් ස්ථානාධිපති සිං පැවසීය.