මෑතකදී ඉන්දියාව සහ පාකිස්ථානය අතර ඇති වූ අතට අත දීමේ මතභේදය ඕස්ට්‍රේලියානු ක්‍රිකට් ක්‍රීඩකයන් සමච්චල් කරන වීඩියෝවක් මහජන ඊට ප්‍රතිචාර දැක්වීමට පටන් ගැනීමත් සමග පසුව ඉවත් කර ගැනීමට කටයුතු කර තිබේ.

කායෝ ස්පෝර්ට්ස් විසින් නිෂ්පාදනය කරන ලද මෙම වීඩියෝවේ ආසියානු කුසලානය අතරතුර ඉන්දියාව පාකිස්ථානය සමඟ අතට අත දීම ප්‍රතික්ෂේප කිරීම ගැන ඕස්ට්‍රේලියානු පිරිමි සහ කාන්තා කණ්ඩායම්වල ක්‍රීඩකයන් විහිළු කරන ආකාරය දැක්විණි.

වීඩියෝව ආරම්භයේදී, “අපි හැමෝම දන්නවා ඉන්දියාව ඔවුන්ගේ ගමන යන බව. නමුත් අපි එක් තීරණාත්මක දුර්වලතාවක් හඳුනාගෙන තිබෙනවා” යනුවෙන් හඬක් නිකුත් විය.

පසුව මිචෙල් මාෂ් සහ සොෆී මොලිනියුක්ස් ඇතුළු ක්‍රීඩක ක්‍රීඩිකාවන් අපහාසාත්මක අභිනයන් කරමින් පෙනී සිටි අතර, මොලිනියුක්ස් ඇගේ මැද ඇඟිල්ල ඔසවන අයුරු දක්නට ලැබිණි.

ඕස්ට්‍රේලියාවට එරෙහිව ඉන්දියාවේ ඉදිරි තරඟාවලියට පෙර අගෞරවනීය ලෙස හැසිරීම සම්බන්ධයෙන් මෙම වීඩියෝවට අන්තර්ජාලය හරහා විවේචන එල්ල විය.

කායෝ ස්පෝර්ට්ස් පසුව එහි සමාජ මාධ්‍ය නාලිකාවලින් සටහන ඉවත් කළ අතර නිල ප්‍රකාශයක් නිකුත් කළේ නැත.

මෙම සිදුවීම සිදුවන්නේ ඉන්දියාව සහ ඕස්ට්‍රේලියාව මෙම මස අගදී සීමිත ඕවර තරඟාවලියකදී එකිනෙකාට මුහුණ දීමට සූදානම් වන අතරතුරය.