October 4, 2025
හිටපු ජනාධිපති මහින්ද රාජපක්ෂගේ ආරක්ෂාව සඳහා ලබා දී තිබූ වෙඩි නොවදින රථය ආපසු ලබා දීමට කටයුතු කර තිබේ.
විශේෂ නිවේදනයක් නිකුත් කරමින් මහින්ද රාජපක්ෂගේ මාධ්ය ප්රකාශක නීතිඥ මනෝජ් ගමගේ සඳහන් කළේ අදාළ සමාගම හරහා ඊයේ (3) එම වාහනය ආපසු ලබා දුන් බවයි.
ජනාධිපතිවරුන්ගේ හිමිකම් (අවලංගු කිරීමේ) පනත බලාත්මක කිරීමෙන් පසු, පස්වැනි විධායක ජනාධිපති මහින්ද රාජපක්ෂගේ සියලුම නිල වාහන සහ නිල නිවස භාර දිය යුතු බව ජනාධිපති ලේකම්වරයා සැප්තැම්බර් 24 වැනිදා දැනුම් දී ඇති බව ගමගේ වැඩිදුරටත් සඳහන් කළේය.
හිටපු ජනාධිපතිවරයාට අනුයුක්ත ආරක්ෂක නිලධාරීන්ගේ භාවිතය සඳහා පවරා ඇති වාහනය ද ආපසු ලබා දුන් බව ඔහු පැවසීය.
ගමගේට අනුව, මෙම තත්ත්වය මහින්ද රාජපක්ෂගේ ජීවිතය අවදානමට ලක් කර ඇත.
“මහින්ද රාජපක්ෂ හිටපු ජනාධිපතිවරයාගේ ආරක්ෂාව සඳහා අවශ්ය වාහන ඉල්ලා සිටීම සඳහා ලබන සතියේ පොලිස්පතිවරයා, ආරක්ෂක ලේකම්වරයා සහ ආරක්ෂක හමුදා ප්රධානීන් හමුවීමට අපි බලාපොරොත්තු වෙනවා,” යනුවෙන් ගමගේ පැවසීය.
