October 4, 2025
උතුර, උතුරු මැද, නැගෙනහිර, ඌව පළාත් සහ කුරුණෑගල සහ මාතලේ දිස්ත්රික්ක සඳහා කාලගුණවිද්යා දෙපාර්තමේන්තුව අවවාදාත්මක නිවේදනයක් නිකුත් කර තිබේ.
එම දෙපාර්තමේන්තුව පවසන්නේ උතුර, උතුරු – මැද, නැගෙනහිර, ඌව පළාත් සහ කුරුණෑගල සහ මාතලේ දිස්ත්රික්කවල ගිගුරුම් සහිත වැසි සමග ප්රබල අකුණු ඇති වීමේ වැඩි හැකියාවක් පවතින බවයි.
ගිගුරුම් සහිත වැසි ඇති වන විට එම ප්රදේශවල තාවකාලිකව තද සුළං ද ඇති විය හැක.
අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
අකුණු සහ ගිගුරුම් පවතින අවස්ථාවල පහත ආරක්ෂිත පියවරයන් අනුගමනය කරන මෙන් කාලගුණ විද්යා දෙපාර්තමේන්තුව මහජනතාවට අවවාද කරයි.
ආරක්ෂිත පියවර;
එළිමහනේ හෝ ගස් යට නොසිටිය යුතු අතර ආරක්ෂිත ගොඩනැගිල්ලක් හෝ සංගීත වාහනයක් තුළ රැඳි සිටින්න.
කුඹුරු, තේ වතු, ක්රීඩා පිටි මෙන්ම ජලාශ වැනි විවෘත ස්ථන වල රැඳී සිටීමෙන් වළකින්න.
රැහැන් සහිත දුරකථන සහ විදුලියට සම්බන්ධ කරන ලද විදුලි උපකරණ භාවිතයෙන් වළකින්න. බයිසිකල්, ට්රැක්ටර් සහ බෝට්ටු වැනි විවෘත වාහන භාවිතයෙන් වළකින්න.
තද සුළං හේතුවෙන් ගස් හා විදුලි රැහැන් බිම ඇද වැටීමට ඉඩ ඇති බැවින් ඒ පිළිබඳ සැළකිලිමත් වන්න.
හදිසි තත්ත්වයකදී ප්රාදේශීය ආපදා කළමනාකරණ නිලධාරීන්ගේ සහය ලබා ගැනීමට කටයුතු කරන ලෙස ද එම දෙපාර්තමේන්තුව දැනුම් දෙයි.
