වාර්ෂික ඇසළ පෙරහැරේ රන්දෝලි පෙරහැර සඳහා මහනුවර බලා යන බැතිමතුන්ගේ සහ සංචාරකයන්ගේ පහසුව සඳහා විශේෂ දුම්රිය සේවා අටක් ක්‍රියාත්මක කරන බව ශ්‍රී ලංකා දුම්රිය දෙපාර්තමේන්තුව නිවේදනය කර ඇත.

අගෝස්තු 4 සිට 8 දක්වා කොළඹ කොටුව, මහනුවර, මාතලේ, නාවලපිටිය සහ පොල්ගහවෙල ඇතුළු ප්‍රධාන නගර සම්බන්ධ කරමින් විශේෂ දුම්රිය සේවා දිනපතා ක්‍රියාත්මක වේ.

කාලසටහනට අනුව:

අංක 1 විශේෂ දුම්රිය කොළඹ කොටුවෙන් මහනුවර දක්වා පෙ.ව. 8.55 ට පිටත් වේ.

අංක 3 විශේෂ දුම්රිය මහනුවර සිට මාතලේ දක්වා ප.ව. 3.30 ට පිටත් වේ.

අංක 4 විශේෂ දුම්රිය මහනුවර සිට කොළඹ කොටුව දක්වා ප.ව. 11.30 ට පිටත් වේ.

අංක 5 විශේෂ දුම්රිය මහනුවර සිට මාතලේ දක්වා ප.ව. 1.55 ට පිටත් වේ.

මහනුවර සිට නාවලපිටිය දක්වා රාත්‍රී 11.55 ට අංක 7 දරන විශේෂ දුම්රිය ධාවනය කෙරේ.

මහනුවර සිට පොල්ගහවෙල දක්වා රාත්‍රී 11.45 ට අංක 8 දරන විශේෂ දුම්රිය ධාවනය කෙරේ.