බොලිවුඩ් නළු සල්මන් ඛාන්ගේ නිවසට පසුගිය මාසයේ වෙඩි තැබීමේ සිද්ධියට ලෝරන්ස් බිෂ්නෝයි කල්ලියේ තවත් සාමාජිකයන් පස්දෙනෙකු සම්බන්ධ වී ඇති බව මුම්බායි පොලිසියේ අපරාධ අංශයේ විමර්ශනයෙන් හෙළි වී තිබේ.

මැර කල්ලියට සම්බන්ධ පුද්ගලයන් පස්දෙනෙකු දැනටමත් පොලිසිය විසින් අත්අඩංගුවට ගෙන ඇති අතර ඉන් එක් අයෙක් අපරාධ අංශයේ අත්අඩංගුවේ සිටියදී සියදිවි නසාගෙන මිය තිබිණි.

අත්අඩංගුවට ගත් එක් විත්තිකරුවකු වන මොහොමඩ් රෆීක් සර්දාර් චෞධාරි ප්‍රශ්න කිරීම්වලදී හෙළි කර ඇත්තේ රාජස්ථාන් ප්‍රදේශයේ සිටින තවත් බිෂ්නෝයි කල්ලි සාමාජිකයන් පස් දෙනෙකු අප්‍රේල් 14 සිදුවීමට සම්බන්ධ බවයි.

1999 මහාරාෂ්ට්‍ර සංවිධානාත්මක අපරාධ පාලන පනත (MCOCA) යටතේ නඩු සඳහා විශේෂ අධිකරණයක් විසින් චෞධාරිගේ පොලිස් භාරය මැයි 16 දක්වා දීර්ඝ කරන ලදී.

37 හැවිරිදි චෞධාරි අපරාධ අංශ නිලධාරීන්ට පවසා ඇත්තේ තමා අප්‍රේල් 12 වැන දින සල්මන් ඛාන් පදිංචිව සිටින බන්ද්‍රාහි ගැලැක්සි මහල් නිවාසයේ වීඩියෝවක් පටිගත කර එය ලෝරන්ස් බිෂ්නෝයිගේ සහෝදරයා වන අන්මෝල් බිෂ්නෝයි වෙත යොමුකර ඇති බවයි.

අපරාධ අංශය විසින් චෞධාරිගේ ජංගම දුරකථනය අත්අඩංගුවට ගත් අතර මකා දැමූ වීඩියෝ සහ ඡායාරූප කිහිපයක් තාක්ෂණික විශේෂඥයන්ගේ සහාය ඇතිව ලබා ගත් බව නිලධාරීන් පවසා තිබේ.

වැඩිදුර ප්‍රශ්න කිරීම්වලදී චෞද්‍රි පාපොච්චාරණය කර ඇත්තේ තමන් බිෂ්නෝයි කල්ලියේ සාමාජිකයන්ගෙන් රුපියල් ලක්ෂ 3ක් මුදලක් ලබා ගෙන රුපියල් ලක්ෂ 2ක් වෙඩික්කරුවන් දෙදෙනා වන විකී කුමාර් ගුප්තා (25) සහ සාගර් කුමාර් පල් (24) වෙත ලබා දුන් බවයි.

දශක දෙකකට ආසන්න කාලයක් මුම්බායි හි ජීවත් වී ඇති චෞධාරි අප්‍රේල් 30 වැනිදා රාජස්තාන් ප්‍රදේශයෙන් අත්අඩංගුවට ගෙන තිබිණි.

පොලිසියට අනුව, ඔහු ලෝරන්ස් බිෂ්නෝයිගේ විශ්වාසවන්ත සහායකයකු වන රෝහිත් ගොඩාර සමඟ සම්බන්ධ වී සිටි අතර, ගුප්තා සහ පල්ගෙන් ප්‍රශ්න කිරීමේදී ඔහුගේ නම ඉස්මතු වී තිබිණි.

ගුප්තා අන්මෝල් බිෂ්නෝයිට ද කතා කර ඔවුන්ගේ පටිගත කළ හඬ ඇමතුම් කිහිපයක් නඩුවේ වැදගත් සාක්ෂිකරුවකු වන ඔහුගේ සහෝදර සෝනු ගුප්තා වෙත යවා ඇති බව අපරාධ අංශයේ නිලධාරියෙක් පවසයි.

පොලිසියට අනුව, පල් මීට වසර දෙකකට පෙර පන්ජාබ්හිදී ගැටුමකින් මරා දැමූ බිෂ්නෝයිගේ විශ්වාසවන්ත කල්ලි සාමාජික අන්කිත් අරෝරා සමඟ සම්බන්ධ වී සිටි අයෙකි.

පසුව ඔවුන් මාර්තු මාසයේදී නැවත නගරයට පැමිණි අතර, ඔවුන් කුර්ලාහිදී චෞධාරි හමුවී ඛාන්ගේ නවාතැන් ගෙන තිබේ.

අප්‍රේල් 14 ඉරිදා හිමිදිරි පාන්දර, ඔවුන් දෙදෙනා ඛාන්ගේ පළමු මහලේ මහල් නිවාසයට වෙඩි තැබූ අතර යතුරුපැදියකින් පලා යෑමට පෙර අහසට වට කිහිපයක් වෙඩි තබා ඇති බව පැවසේ.