මේ වසරේ මුල් මාස හත තුළ අල්ලස් කොමිසමට පැමිණිලි 3937ක් ලැබී තිබේ.

පසුගිය වසරේ වාර්තා වූ මුළු පැමිණිලි ගණන සටහන් වී තිබුණේ 240ක් ලෙසය.

අල්ලස් කොමිසමේ ප්‍රගති වාර්තාවට අනුව, ජූලි 31 වැනි දින දක්වා කොමිසම විසින් සිදු කරන ලද වැටලීම් 72කදී පාසල් විදුහල්පතිවරයකුගේ සිට තැරැව්කරුවකු දක්වා අවම වශයෙන් පුද්ගලයන් 49 දෙනෙකු අත්අඩංගුවට ගෙන ඇත.

කොමිසමට ලැබුණු මුළු පැමිණිලි 3,937න් 288ක් වැඩිදුර විමර්ශන සඳහා යොමු කර ඇති අතර ප්‍රමාණවත් කරුණු නොමැති වීම හෝ පනතට යටත් නොවීම හේතුවෙන් පැමිණිලි 1011ක් ඉදිරියට ගෙන නොයෑමට තීරණය කර ඇත.

පනතට යටත් නොවන බැවින් අවම වශයෙන් පැමිණිලි 489ක් වෙනත් ආයතන වෙත යොමු කර ඇති අතර, තවත් පැමිණිලි 619ක් වැඩිදුර වාර්තා සහ අනෙකුත් අතිරේක කරුණු සඳහා යොමු කර ඇත.

ඊට අමතරව පැමිණිලි 275ක් ප්‍රකාශ සටහන් කර ගැනීම සඳහා විමර්ශන අංශයට යොමු කර ඇත.

ජනවාරි 1 වැනි දින සිට ජූලි 31 වැනි දින දක්වා කොමිසමේ ක්‍රියාකාරකම් විස්තර කරන ප්‍රගති වාර්තාවෙන් අත්අඩංගුවට ගත් පුද්ගලයන්ගේ තොරතුරු ද නිකුත් කර ඇත.

කොමිසම අල්ලස් සම්බන්ධ නඩු 31ක් සහ දූෂණයට සම්බන්ධ නඩු 15ක් මහාධිකරණයේ ගොනු කර ඇති අතර, පැහැදිලි කළ නොහැකි ධනයක් රැස් කිරීම සම්බන්ධයෙන් අටක් ලියාපදිංචි කර ඇත.

වසරේ මුල් මාස හත තුළ, කොමිසම මහේස්ත්‍රාත් සහ මහාධිකරණ දෙකෙහිම අල්ලස් හා දූෂණයට සම්බන්ධ නඩු 41ක් සාර්ථකව අවසන් කර ඇත.

කොමිසම විසින් ආරම්භ කරන ලද නීතිමය ක්‍රියාමාර්ගවල ප්‍රතිඵලයක් ලෙස, මහාධිකරණ විසින් රුපියල් මිලියන 1.34ක් දක්වා දඩ නියම කර ඇති අතර, මහේස්ත්‍රාත් අධිකරණ විසින් රුපියල් 585,000ක් දඩ නියම කර ඇත.