මෙවර ජනාධිපතිවරණයට ඉදිරිපත් වූ අපේක්ෂකයන් 35 දෙනෙකුගේ ඇප මුදල් රාජසන්තක කරන බව මැතිවරණ කොමිෂන් සභාව නිවේදනය කරයි.

මැතිවරණ කොමසාරිස් ජනරාල් සමන් ශ්‍රී රත්නායක ප්‍රකාශ කළේ අපේක්ෂකයන් අවම වශයෙන් 12.5%ක ඡන්ද ප්‍රතිශතයක් ලබා ගැනීමට අපොහොසත් වීම හේතුවෙන් මෙම ඇප මුදල් රාජසන්තක කිරීමට හේතු වී ඇති බවයි.

2024 ජනාධිපතිවරණයේ සමස්ත ඡන්ද ප්‍රකාශය 79% ඉක්මවා තිබිණි.

2019 වසරේ ඡන්දය ප්‍රකාශ කිරීමේ ප්‍රතිශතය 83%ක් වූ බව කොමසාරිස් ජනරාල්වරයා පවසයි.

මීට අමතරව, මෙවර ජනාධිපතිවරණයේදී ලක්ෂ 35කට අධික ඡන්දදායකයන් පිරිසක් ඡන්දය ප්‍රකාශ කර නොතිබිණි.