ඉන්දීය අගමැති නරේන්ද්‍ර මෝදි විසින් නොවැම්බර් 15 වන දින ජාර්කන්ඩ් හි ‘ජන්ජාතිය ගෞරව් දිවාස්’ උත්සවයේදී, විශේෂයෙන් අවදානමට ලක්විය හැකි ගෝත්‍රික කණ්ඩායම් වෙනුවෙන් රුපියල් කෝටි 24,000ක සංවර්ධන යෝජනා ක්‍රමයක් දියත් කිරීමට නියමිතය.

ගෝත්‍රික කණ්ඩායම් 75ක් වෙනුවෙන් අමාත්‍යාංශ නවයක් යටතේ මැදිහත්වීම් 11ක් ලබාදීම කෙරෙහි මෙම යෝජනා ක්‍රමය අවධානය යොමු කරනු ඇත.

මෙම මෙහෙයුම ප්‍රථම වරට 2023-24 අයවැය තුළ ප්‍රකාශයට පත්කරන ලද අතර මධ්‍ය ප්‍රදේශ් සහ චත්තිස්ගාර් ප්‍රාන්තවල සභා මැතිවරණයට පෙර දියත් කෙරේ.

ප්‍රාන්ත දෙකෙහිම සැළකිව යුතු ගෝත්‍රික ජනතාවක් වාසය කරති.

2011 සංගණනයට අනුව මධ්‍ය ප්‍රදේශ් සහ චත්තිස්ගාර් හි ගෝත්‍රික ජන අනුපාතය පිළිවෙලින් 21.1% සහ 30.6% වේ.

මෙහිදී තෝරාගෙන ඇති ගෝත්‍රික ප්‍රජාවන් වඩාත් අවදානමට ලක්විය හැකි කණ්ඩායම් වන අතර ඔවුන්ට සාමාන්‍යයෙන් සුවිශේෂී සංස්කෘතීන් පවතී.

ඔවුහු භූගෝලීය වශයෙන් හුදකලාව ජීවත් වන අතර අනෙකුත් ප්‍රජාවන් සමඟ සම්බන්ධ වීමට ලැජ්ජා වෙති.