2020 වසරේ පැවති මහ මැතිවරණයෙන් තේරී පත් වූ පාර්ලිමේන්තු මන්ත්‍රීවරුන් 10 දෙනෙකු තවදුරටත් ව්‍යවස්ථාදායකයට අයත් නොවන බව නිල දත්ත පෙන්වා දෙයි.

මීට හේතු වී ඇත්තේ මියයෑම,ඉල්ලා අස්වීම හෝ වෙනත් නීතිමය ගැටලු බව පෙනීගොස් ඇත.

මෑත කාලීනවම වාර්තා වූ සිදුවීම වූයේ පාලක ශ්‍රී ලංකා පොදුජන පෙරමුණේ මන්ත්‍රී K. H. නන්දසේනගේ අභාවයයි.

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරයකු වූ අමරකීර්ති අතුකෝරල (අවුරුදු 57) 2022 වසරේ මැයි 9 දා ඇතිවූ නොසන්සුන්ත අතරතුර ඝාතනයට ලක්විය.

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී, රාජ්‍ය ඇමැති සනත් නිශාන්ත මේ වසරේ ජනවාරි මාසයේදී රිය අනතුරකින් මිය ගියේය.

ඉල්ලා අස්වූ හෝ නීතිමය ගැටලුවක් හේතුවෙන් පාර්ලිමේන්තු අසුනෙන් ඉවත් වූ හෝ පාර්ලිමේන්තු අසුන අහිමි වූ මන්ත්‍රීවරුන් අතරට රන්ජන් රාමනායක, අජිත් නිවාඩ් කබ්රාල් , මහින්ද සමරසිංහ , බැසිල් රාජපක්ෂ , මුජිබර් රහුමාන්, චමින්ද විජේසිරි සහ උද්දික ප්‍රේමරත්න ඇතුළත් වේ.

සමගි ජන බලවේගයෙන් පත් වූ රන්ජන් රාමනායකට 2021 අප්‍රේල් මාසයේදී ඔහුගේ පාර්ලිමේන්තු මන්ත්‍රීධුරය අහිමි වූයේ අධිකරණයේ දූෂණ සම්බන්ධයෙන් ඔහු කළ ප්‍රකාශයකට අධිකරණයට අපහාස කිරීමේ පදනම මත වසර 4ක බරපතළ සිරදඬුවමකට යටත් වීමෙනි.

පසුව ඔහු 2022 අගෝස්තු මාසයේදී නිදහස් කෙරිණි.

ශ්‍රී ලංකා පොදුජන පෙරමුණේ ජාතික ලැයිස්තුව යටතේ පාර්ලිමේන්තුවට පැමිණි තවත් නළුවකු වූ ජයන්ත කැටගොඩ පක්ෂයේ ප්‍රබලයකු සහ ශ්‍රී ලංකා පොදුජන පෙරමුණේ උපායමාර්ගිකයකු වූ බැසිල් රාජපක්ෂට පාර්ලිමේන්තුවට පිවිසීමට පහසුකම් සැලසීම සඳහා 2021 ජූලි මාසයේදී ඉල්ලා අස්විය.

පසුව පාර්ලිමේන්තු ගිය බැසිල් රාජපක්ෂ එම මාසයේම මුදල් ඇමැතිවරයා ලෙස පත්වූයේය.

කෙසේවෙතත්, ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රී සහ මුදල් හා ප්‍රාග්ධන වෙළඳපොළ සහ රාජ්‍ය ව්‍යවසාය ප්‍රතිසංස්කරණ රාජ්‍ය ඇමතිව සිටි අජිත් නිවාඩ් කබ්රාල් 2021 සැප්තැම්බර් මාසයේදී මහ බැංකු අධිපති ධුරයෙන් ඉල්ලා අස්වීමත් සමඟ ජයන්ත කැටගොඩට එම අවස්ථාව නැවතත් හිමි විය.

කබ්රාල් මහ බැංකු ආණ්ඩුකාර ධුරයෙන් ඉල්ලා අස්වුව ද නැවත පාර්ලිමේන්තුවට පැමිණීමට ඔහුට අවස්ථාවක් හිමිවූයේ නැත.

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මහින්ද සමරසිංහ 2021 සැප්තැම්බර් මාසයේදී පාර්ලිමේන්තුවෙන් ඉල්ලා අස්වූයේ එක්සත් ජනපදයේ ශ්‍රී ලංකා තානාපති ධුරය භාර ගැනීම සඳහාය.

දේශපාලන අර්බුදයක් මධ්‍යයේ රට ස්වෛරී ණය පැහැර හැරීමක් ප්‍රකාශයට පත් කිරීමෙන් පසු, හිටපු මුදල් ඇමැති බැසිල් රාජපක්ෂ මහජන විරෝධතා මධ්‍යයේ 2022 ජුනි මාසයේදී පාර්ලිමේන්තුවෙන් ඉල්ලා අස්විය.

සමගි ජන බලවේගයේ මන්ත්‍රීවරයකු වූ මුජිබර් රහ්මාන් 2023 ජනවාරි මාසයේදී පාර්ලිමේන්තුවෙන් ඉල්ලා අස්වූයේ කොළඹ මහ නගර සභාවට නගරාධිපති අපේක්ෂකයා ලෙස තරඟ කිරීම සඳහා වුවද පළාත් පාලන මැතිවරණය තවම පවත්වා නැත.

සමගි ජන බලවේගයේ චමින්ද විජේසිරි මේ වසරේ ජනවාරි මාසයේදී ඉල්ලා අස් වූ අතර ශ්‍රී ලංකා පොදුජන පෙරමුණෙන් පත්වූ උද්ධික ප්‍රේමරත්න 2024 පෙබරවාරි මාසයේදී පාර්ලිමේන්තුවෙන් ඉවත් විය.