පුද්ගලයෙකු බියගනවා(බ්ලැක්මේල් කර) රුපියල් ලක්ෂ 7ක් කප්පම් ගැනීම සම්බන්ධයෙන් 20 හැවිරිදි තරුණයෙකු අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගෙන තිබේ.

ඔහුගේ නිරුවත් ඡායාරූප සහ වීඩියෝ සමාජ මාධ්‍ය වෙත මුදාහරින බවට තර්ජනය කරමින් මෙලෙස කප්පම් ගෙන ඇති බව පැවැසේ.

සැකකරු සමාජ මාධ්‍ය ඔස්සේ වින්දිත පුද්ගලයා සමඟ සබඳතාවක් ගොඩනගාගෙන ඇති බව පොලිසිය පවසයි.

ඔවුන්ගේ ඔන්ලයින් සංවාද අතරතුර, වින්දිතයා පැහැදිලි පින්තූර සහ වීඩියෝ බෙදාගෙන ඇති අතර, විත්තිකරු ඒවා භාවිත කරමින් මෙලෙස කප්පම් ගැනීම සිදුකර ඇත.

වින්දිතයා තමාට අදාළ රුපියල් 700,000 නොගෙවන්නේ නම් එම තොරතුරු ප්‍රසිද්ධ කරන බවට තරුණයා තර්ජනය කර ඇත.

පැමිණිල්ල ලැබීමෙන් පසු සයිබර් අපරාධ විමර්ශන ඒකකය පරීක්ෂණයක් ආරම්භ කර තිබේ.

සිද්ධිය සම්බන්ධයෙන් තුල්හිරිය ප්‍රදේශයේ පදිංචි සැකකරු අඟහරුවාදා දෙහිවල ප්‍රදේශයේදී අත්අඩංගුවට ගෙන ඇත.