තුන් වතාවක් ලෝක රෙස්ලින් (World Wrestling Entertainment (WWE)) ශුරයා වූ බ්‍රේ වියට් (Bray Wyatt) වයස අවුරුදු 36 දී මිය ගියේය.

බ්‍රේ පසුගිය පෙබරවාරි මාසයේ සිට හෙළි නොකළ සෞඛ්‍ය ගැටලුවක් පිඩා විඳිමින් සිටි අතර ඔහුගේ මරණය ඔහුගේ පවුලේ සමීපතමයන් විසින් හදිසියේ නිවේදනය කර තිබේ.

WWE වළල්ල විසින් මෙම පුවත් නිවේදනය කර ඇත්තේ බ්‍රේ වියට් හෙවත්, සැබෑ නමින් වින්ඩෑම් රොටුන්ඩා (Windham Rotunda) “අනපේක්ෂිත ලෙස අභාවයට පත්වූ” බව පවසමිනි.

ඩ්වේන් ජොන්සන් හෙවත් ‘ද රොක්’ බ්‍රේට උපහාර දැක්වූ අය අතර විය.

ට්විටර් සටහනක් තබමින් ජොන්සන් පැවසුවේ තමාගේ “හදවත කම්පා වූ” බවත්, බ්‍රේට තමා තුළ “සැමවිටම ඉමහත් ගෞරවයක් සහ ආදරයක්” තිබූ බවත්ය.

WWE විචාරක මයික් ෆොලී මෙසේ පවසා ඇත. “මම බ්‍රේ වියට් ගැන ඉතා ඉහළින් සිතුවෙමි… ඔහු සැබෑ දැක්මක් ඇති අයෙකි. රෙස්ලින් ක්‍රීඩාවට මෙතෙක් දැක ඇති වඩාත්ම බලගතු පුද්ගලයෙකි”.

වියට් පැමිණෙන්නේ ඔහුගේ සීයා බ්ලැක් ජැක් මුල්ලිගන්, ඔහුගේ පියා මයික් රොටුන්ඩා සහ ඔහුගේ බාල සොහොයුරු බෝ ඩලස් ඇතුළු මල්ලවපොර ක්‍රීඩකයින් සහිත පවුලකිනි.

ඔහුට මෑතකදී අසනීපය නිසා මාස කිහිපයක් රෙස්ලින් වළල්ල මග හැරී තිබුණු නමුත් ඔහුගේ මරණයට පෙර WWE වෙත නැවත පැමිණීමට ආසන්නව සිටි බව Wrestling News වාර්තා කර තිබිණි.