July 29, 2024
ඉදිරි ජනාධිපතිවරණයට තරග කිරීම සඳහා තමා අධිකරණ ඇමැති ධුරයෙන් ඉල්ලා අස්වන බව විජේදාස රාජපක්ෂ නිවේදනය කළේය.
අද පෙරවරුවේ ජනමාධ්ය හමුවකට එක්වෙමින් ඔහු මේ බව සඳහන් කළේය.
එහිදී ඔහු මෙසේද පැවැසීය.
“කැබිනට් මණ්ඩලයේ තවමත් ශ්රී ලංකා පොදුජන පෙරමුණින් තරග කරන කිසිවෙකුත් තවම ඉදිරිපත් වී නෑ. අපි දෙන්නම ආගන්තුක පක්ෂවලින් තරග කරන්නේ. මම කල්පනා කළා ජනාධිපතිතුමා මේ ගැන මගෙන් මතය ඇහුවා. ඒ නිසා ඉදිරි ජනාධිපතිවරණයට තරග කිරීම සඳහා මෙම අමාත්ය ධුරයෙන් සමුගන්න තීරණය කළා. ඒ බව මම දැනුම්දී තිබෙනවා. අමාත්ය ධුර භාරගැනීම, නෙරපීම, ඉවත්වීම මට සාමාන්ය දෙයක්. මීට පෙර 6 වතාවක් මට පිරිනැමපු අමාත්ය ධුර මම භාරගෙන නෑ.”
