ජාතික ජල සම්පාදන හා ජලාපවහන මණ්ඩලය විසින් 2024 ජනවාරි මාසයේ සිට පාරිභෝගිකයන්ට මාසික ජල බිල්පත් විද්‍යුත් තැපෑල සහ SMS සේවා හරහා පමණක් ලබාදෙන බව එහි වාණිජ නියෝජ්‍ය සාමාන්‍යාධිකාරී පියල් පත්මනාථ පවසයි.

ජනමාධ්‍ය වෙත අදහස් දක්වමින් ඔහු පාරිභෝගිකයන්ගෙන් ඉල්ලා සිටියේ, කෙටි පණිවුඩ සහ විද්‍යුත් බිල්පත් සේවා සඳහා කඩිනමින් ලියාපදිංචි වන ලෙසයි.

“ඔක්තෝබර් 01වැනිදා සිට විද්‍යුත් බිල්පත් සහ කෙටි පණිවුඩ සේවා හරහා මාසික ජල බිල්පත් නිකුත් කිරීම පොළොන්නරුව, ත්‍රිකුණාමලය, කොළඹ දකුණ සහ මහනුවර දකුණ කලාපවල ආරම්භ කරනවා” යැයි සාමාන්‍යාධිකාරීවරයා සඳහන් කරයි.

2024 ජනවාරි 01 වැනිදා පාරිභෝගිකයන් සඳහා ස්ථානීය ගාස්තු අඩු කිරීමේ විද්‍යුත් බිල්පත් සේවාවක් හඳුන්වාදෙන බව ද ඔහු පැවසීය.

ඕනෑම පාරිභෝගිකයකු තම ලියාපදිංචි ජංගම දුරකථන අංකය වෙනස් කරන්නේ නම්, ඔවුන් කෙටි පණිවුඩයක් යැවීමෙන් ජල සම්පාදන හා ජලාපවහන මණ්ඩලයේ ක්ෂණික ඇමතුම් අංක වන 071939 9999 හරහා නැවත ලියාපදිංචි විය යුතුය.

ජල බිල්පත් ගිණුම් අංකය සහ විද්‍යුත් තැපැල් ලිපිනය ඉහත දුරකථන අංකයට කෙටි පණිවුඩයක් මගින් යැවිය යුතුය.