ඉරාන න්‍යෂ්ටික ගිවිසුමෙන් ඇමරිකානු ජනාධිපති ඩොනල්ඩ් ට්‍රම්ප් ඉවත් වීම සහ ඉරානයට එරෙහිව ‘නීති විරෝධී’ යුද්ධයක් දියත් කිරීම ජර්මානු ජනාධිපතිවරයා දැඩි ලෙස විවේචනය කළ බව වාර්තා වේ.

තුර්කියේ ඇනඩොලු පුවත්සේවය වාර්තා කළේ “මගේ මතය අනුව, මෙම යුද්ධය අන්තර්ජාතික නීතිය උල්ලංඝනය කිරීමක්,” යනුවෙන් ෆ්‍රෑන්ක්-වෝල්ටර් ස්ටයින්මියර් ජර්මානු විදේශ අමාත්‍යාංශයේ පැවති කතාවකදී සඳහන් කළ බවයි.

“මෑත කාලීන ප්‍රහාරයක් සාධාරණීකරණය කිරීමට තරම් වලංගු සාධක ඇමරිකා එක්සත් ජනපදයට නොමැති බවට සැකයක් නැහැ – ඇමරිකානු නිලධාරීන් බොහෝ දෙනෙකු විසින් ද එම මතය බෙදා ගෙන තිබුණා,” යනුවෙන් ඔහු තවදුරටත් පැවසුවේ, මතභේදාත්මක යුද්ධය හේතුවෙන් මෑත කාලීන ඉල්ලා අස්වීම් ගැන සඳහන් කරමිනි.

මීට පෙර විදේශ අමාත්‍යවරයා ලෙස සේවය කළ සහ ඉරානය සමඟ 2015 න්‍යෂ්ටික ගිවිසුම සාකච්ඡා කිරීමට උදව් කළ ස්ටයින්මියර් පැවසුවේ, 2018 දී ට්‍රම්ප් ඒකපාර්ශ්විකව ගිවිසුම අතහැර දමා පසුව මිලිටරි ක්‍රියාමාර්ග ගැනීමට ගත් තීරණය ගැටුම විසඳීමට වැරදි මාර්ගයක් බවයි.

“මෙම යුද්ධය දේශපාලනික වශයෙන් විනාශකාරී වැරැද්දක්, මාව වඩාත් කලකිරීමට පත් කරන්නේ ඉරානය න්‍යෂ්ටික බෝම්බයක් සංවර්ධනය කිරීමේ මාවතේ නතර කිරීම ඉලක්කය වූයේ නම් මෙය සැබවින්ම වළක්වා ගත හැකි, අනවශ්‍ය යුද්ධයක් වීමයි,” ස්ටයින්මියර් ගැටුම පිළිබඳ ඔහුගේ ප්‍රබලම ප්‍රසිද්ධ විවේචනයේදී පැවසීය.

න්‍යෂ්ටික ගිවිසුම මගින් එක්සත් ජනපදයට අනුගමනය කිරීමට බල කෙරෙන මිලිටරි ගැටුමක් වළක්වා ඇති බව පවසමින් ඉරානය සමඟ ගිවිසුමේ ඓතිහාසික වැදගත්කම ඉස්මතු කරමින් එවකට එක්සත් ජනපද රාජ්‍ය ලේකම් ජෝන් කෙරීගේ 2015 ප්‍රකාශයන් ද ඔහු උපුටා දැක්වීය.

“2015 ජූලි 14 වන දින ගිවිසුම අවසන් වූ පසු ඉරානය න්‍යෂ්ටික අවි අත්පත් කර ගන්න තරම් දුරස් බවක් තිබුණේ නැහැ” ස්ටයින්මියර් පැවසීය.

“කෙසේවෙතත්, ජනාධිපති ට්‍රම්ප් ඔහුගේ පළමු ධූර කාලයේ දෙවන වසරේදී, මෙම ගිවිසුමෙන් ඉවත්වුණා. ඔහුගේ දෙවන ධූර කාලයේ දී, ඔහු දැන් යුද්ධ කරමින් ඉන්නවා,” යනුවෙන් ඔහු තවදුරටත් පැවසීය.