September 6, 2026
ඉරාන ඉස්ලාමීය විප්ලවීය ආරක්ෂක බලකාය විසින් ඇමරිකානු නාවික හමුදාවට අයත් යුද නෞකා දෙකක් දෙසට බැලැස්ටික් මිසයිල ප්රහාර එල්ල කිරීමෙන් අනතුරුව, ඇමරිකානු බලකායන් විසින් ඉරාන බොරතෙල් ප්රවාහන නෞකා තුනකට ප්රහාර එල්ල කර ඇති බව ඇමරිකානු මධ්යම බළකාය ප්රකාශ කරයි.
කලාපීය මුහුදු තීරයේ මුර සංචාරයේ යෙදී සිටි ඇමරිකානු නාවික නෞකා ඉලක්ක කරගනිමින් ඉරාන විප්ලවීය ආරක්ෂක බලකාය විසින් එල්ල කරන ලද බැලැස්ටික් මිසයිල ප්රහාර කිහිපයකින් පසුව, සැප්තැම්බර් 5 වන දින මෙම ප්රතිප්රහාර එල්ල කළ බව ඇමරිකානු මධ්යම බළකාය සඳහන් කළේය.
ඇමරිකානු මධ්යම බළකායට අනුව, ඉරානය එල්ල කළ ප්රහාරවලින් ඇමරිකානු ගුවන් යානා ප්රවාහන නෞකාවක් සහ මිසයිල නාශක නෞකාවක් සාර්ථකව බේරීමට සමත්ව ඇත.
මෙම සිදුවීමෙන් කිසිදු ඇමරිකානු සෙබළෙකුට හානියක් සිදුවී නොමැති බව ඇමරිකානු හමුදාව පවසයි.
ඊට ප්රතිචාර වශයෙන් ඇමරිකානු හමුදාව ඉරාන බොරතෙල් ප්රවාහන නෞකා තුනකට ප්රහාර එල්ල කළේය.
මෙම නවතම ගැටුම මෑත දිනවල වොෂින්ටනය සහ ටෙහෙරානය අතර සිදුවූ අඛණ්ඩ ගැටුම් මාලාවෙන් පසුව දෙරට අතර උණුසුම් තත්ත්වය තවදුරටත් වර්ධනය වීමට හේතු වී තිබේ.
සැප්තැම්බර් 1 වන දින ද ඇමරිකානු මධ්යම බළකාය විසින් ඉරාන විප්ලවීය ආරක්ෂක බලකායේ ගුවන් ආරක්ෂක ස්ථාන, රේඩාර් පද්ධති, සාගරික සම්පත්, මයින් අතුරන පද්ධති සහ සන්නිවේදන පහසුකම් ඇතුළු ඉරාන හමුදා ඉලක්ක වෙත ප්රහාර මාලාවක් එල්ලකරන ලදී.
ඉරානයේ තස්නිම් අර්ධ රාජ්ය පුවත් සේවය උපුටා දක්වමින් රොයිටර් පුවත් සේවය වාර්තා කළේ, ඛාර්ග් දූපත අසල තිබූ ඉරාන තෙල් නැවකට ද ඇමරිකානු ප්රහාරයකින් හානි සිදුව ඇති බවයි.
