December 4, 2025
දිට්වා සුළි කුණාටුවෙන් ඇති වූ දරුණු බලපෑමට මුහුණ දීම සඳහා එක්සත් ජනපදය මෙරට අවශ්යතා ඇති ජනතාව වෙනුවෙන් හදිසි ජීවිතාරක්ෂක ආධාර වශයෙන් ඩොලර් මිලියන 2ක් ලබා දෙන බව එක්සත් ජනපද රාජ්ය දෙපාර්තමේන්තුවේ මාධ්ය ප්රකාශක කාර්යාලය පැවසීය.
එක්සත් ජනපද රජයේ ආපදා ප්රතිචාර උත්සාහයන්ට සහාය වීම සඳහා එක්සත් ජනපද යුද දෙපාර්තමේන්තුවේ උපායමාර්ගික ගුවන් ගමන් හැකියාවන් ද යොදා ගනු ඇත.
රාජ්ය දෙපාර්තමේන්තුවේ නියෝජිතයන් ශ්රී ලංකා රජය සහ සහන සංවිධාන සමඟ සමීපව කටයුතු කරමින් ආධාර කාර්යක්ෂමව බෙදා හැරීම සහ ව්යසනයෙන් වඩාත් පීඩාවට පත් ප්රජාව වෙත ළඟා වීම සහතික කරන බව ද එම කාර්යාලය පැවසීය.
“නිවර්තන සුළි කුණාටුවෙන් පසු යථා තත්ත්වයට පත් කිරීම සහ ප්රතිසංස්කරණය කිරීමේ තීරණාත්මක කටයුතු ශ්රී ලංකා රජය විසින් සිදු කරන බැවින්, අපි එය සමඟ අඛණ්ඩ සම්බන්ධීකරණයකට කැපවී සිටිමු. දිට්වා සුළි කුණාටුවෙන් සිදු වූ ඛේදජනක ජීවිත හානි සහ විනාශය සඳහා එක්සත් ජනපදය සිය අවංක ශෝකය ප්රකාශ කරයි,” යනුවෙන් එම කාර්යාලය වැඩිදුරටත් පැවසීය.
