April 3, 2026
ශ්රේෂ්ඨාධිකරණ සහ අභියාචනාධිකරණ විනිසුරුවරුන්ගේ විශ්රාම වයස දීර්ඝ කිරීමේ රජයේ යෝජනාව නීති ක්ෂේත්රයේ සහ සමස්තයක් ලෙස රාජ්ය අංශය තුළ නොසන්සුන්තාවයක් ඇති කරන බව විපක්ෂය ඊයේ චෝදනා කළේය.
ශ්රේෂ්ඨාධිකරණ සහ අභියාචනාධිකරණ විනිසුරුවරුන්ගේ විශ්රාම වයස දීර්ඝ කිරීමේ රජයේ යෝජනාව ආණ්ඩුක්රම ව්යවස්ථාවේ 12 (1) වගන්තිය උල්ලංඝනය කිරීමක් බව පළපුරුදු නීති වෘත්තිකයන් වන හිටපු අමාත්ය මහාචාර්ය ජී.එල්. පීරිස් සහ ආචාර්ය විජේදාස රාජපක්ෂ පැවසූහ.
“සියලුම විනිසුරුවරුන්ගේ විශ්රාම වයස දීර්ඝ කිරීම අපගේ යෝජනාවයි,” මහාචාර්ය පීරිස් මාධ්ය හමුවකදී පැවසීය.
විශ්වවිද්යාල ආචාර්යවරුන් සහ විශේෂඥ වෛද්යවරුන් ඇතුළු රාජ්ය අංශයේ බොහෝදෙනෙකුට ද මෙම පියවර බලපානු ඇතැයි ජී.එල්. පීරිස් සහ විජේදාස රාජපක්ෂ යන දෙදෙනාම පැවසූහ.
“ශ්රී ලංකාවේ මහේස්ත්රාත්, මහාධිකරණ සහ දිස්ත්රික් අධිකරණවලට අනුයුක්තව සේවය කරන විනිසුරුවරුන් 400 කට අධික සංඛ්යාවක් සිටිනවා. මෙම සියලු විනිසුරුවරුන්ට ශ්රී ලංකාවේ ඉහළම අධිකරණ වන ශ්රේෂ්ඨාධිකරණයේ සහ අභියාචනාධිකරණයේ උසස්වීම් ලබාගැනීමේ නීත්යානුකූල අපේක්ෂාවක් තිබෙනවා. අභියාචනාධිකරණ සහ ශ්රේෂ්ඨාධිකරණ විනිසුරුවරුන්ගේ පමණක් විශ්රාම යාමේ වයස දීර්ඝ කිරීමට රජය ගත් පියවර නිසා මෙම නීත්යානුකූල අපේක්ෂාව අහිමි වෙනවා” විජේදාස රාජපක්ෂ පැවසීය.
හිටපු ජනාධිපති මහින්ද රාජපක්ෂගේ නායකත්වයෙන් යුත් පෙර පාලනයන් සහ රනිල් වික්රමසිංහගේ නායකත්වයෙන් යුත් යහපාලන ආණ්ඩුවද, නීති ක්ෂේත්රයේ ජ්යෙෂ්ඨ සාමාජිකයන් විසින් මෙම පියවරට එරෙහිව උපදෙස් දුන් විට, සිය තීරණය අතහැර දැමූ බව ඔහු සිහිපත් කළේය.
මෙම වෙනස සිදුකිරීමට රජය ඉක්මන් වන්නේ මන්දැයි මහාචාර්ය ජී.එල්. පීරිස් ප්රශ්න කළ අතර, එසේ කිරීමට නීත්යානුකූල ක්රමය ව්යවස්ථා ප්රතිසංස්කරණ හරහා බව පෙන්වාදුන්නේය.
