January 30, 2024
කොළඹ විශ්ව විද්යාලයේ පර්යේෂණ කණ්ඩායමක් මෙරට ප්රථම වරට වයස්ගතවීම වැළැක්වීමේ පෝෂණ කැප්සියුලයක් එළිදැක්වීමට කටයුතු කරමින් සිටිති.
මෙම කැප්සියුලය ස්වභාවික අමුද්රව්යවලින් සාදා ඇති නමුත්, එම අමුද්රව්යවල ස්වභාවය මේ මොහොතේ ප්රකාශ කළ නොහැකි බව එම කණ්ඩායමේ ප්රධානී කොළඹ විශ්ව විද්යාලයේ ජෛව රසායන විද්යාව, අණුක ජීව විද්යාව සහ ජෛව තාක්ෂණ ආයතනයේ මහාචාර්ය සමීර ආර්. සමරකෝන් පවසයි.
දීර්ඝකාලීන පර්යේෂණවලින් අනතුරුව එම ඖෂධය නිකුත් කිරීමේ අවසන් අදියරේ සිටින බව මහාචාර්යවරයා සඳහන් කරයි.
වයස්ගතවීම වැළැක්වීමේ ඖෂධ ලෝක වෙළඳපොලේ බෙහෙවින් ජනප්රියවන අතර, ඇතැම් ආනයනික නිෂ්පාදන මෙරට දක්නට ලැබුණද, ඒවා අධික මිලකට අලෙවි කරනු ලැබේ.
එපමණක් නොව, මෙම නිෂ්පාදනය සාම්ප්රදායික සූත්රගත කිරීමක් බැවින් ආයුර්වේද දෙපාර්තමේන්තුවෙන් අනුමැතිය ලබාගැනීමට නියමිත බවද මහාචාර්යවරයා පවසයි.
මීට අමතරව වයස්ගතවීම වැළැක්වීමේ ඖෂධය පිළිබඳ නවතම පර්යේෂණයවන කොළඹ විශ්වවිද්යාලයේ ජෛව රසායන විද්යාව, අණුක ජීව විද්යාව සහ ජෛව තාක්ෂණ ආයතනය විසින් පිළිකා වර්ග 25ක පමණ පිළිකා සෛල විනාශ කළ හැකි පෝෂණ ඖෂධයක් පසුගියදා එළිදක්වා ඇති අතර, එම ඖෂධය දැනට වෙළඳපොළේ ඇත.
මහාචාර්ය සමීර සමරකෝන්ගේ ප්රධානත්වයෙන් යුත් පර්යේෂකයන් කණ්ඩායමක් විසින් වසර 12ක විද්යාත්මක පර්යේෂණයක ප්රතිඵලයක් ලෙස මෙම ඖෂධ සකස් කර තිබේ.
එමෙන්ම මෙම කණ්ඩායම විසින් හිසකෙස් ගැලවීයෑම සම්බන්ධයෙන් ක්රියාකළ හැකි ‘Satiny’ තෙල් වර්ගයක් ද හඳුන්වා දී ඇති අතර, එය ද මේ වනවිට වෙළඳපොළේ ඇත.
