වසර 23කට පෙර ප්‍රංශයෙන් කල්බදු ගත් ශ්‍රී ලංකන් ගුවන් සේවයේ පළමු A 330-200 ගුවන් යානය කල්බදු කාලය අවසන් වීමත් සමඟ එම සමාගමට ආපසු ලබාදීමට නියමිතය.

ශ්‍රී ලංකන් ගුවන් සමාගම විසින් මෙම ගුවන් යානා කුලියට ගෙන තිබුණේ එම ගුවන් යානා නිෂ්පාදකයින් වන ප්‍රංශ එයාර්බස් සමාගමෙනි.

හීත්‍රෝ, ෆ්‍රැන්ක්ෆර්ට්, මෙල්බර්න් සහ මොස්කව් යන දිගු ගමනාන්ත සඳහා මෙම යානය භාවිත කර ඇති අතර පියාසර කාලය පැය 100,000 ක් සම්පූර්ණ කර ඇති බව ශ්‍රීලංකන් එයාර්ලයින්ස් ප්‍රකාශකයෙක් පැවසීය.

මෙම යානයේ ව්‍යාපාරික පන්තියේ(Business class) මගීන් 18දෙනකුට සහ වානිජ පන්තියේ(Economy class) මගීන් 251 දෙනකුට නවාතැන් පහසුකම් ඇති බව ඔහු පැවසීය.

ගුවන් යානය තවමත් සේවා කළ හැකි තත්ත්වයේ පවතින නමුත් කල්බදු කාලය අවසන් වීමෙන් දින කිහිපයකින් එය ප්‍රංශ එයාර්බස් සමාගමට භාර දෙන බව ඔහු පැවසීය.

(Dailymirror)