ඊයේ (17) සවස A-9 මාර්ගයේ ඕමන්තෙයි ප්‍රදේශයේ සිදුවූ මාරක අනතුරකින් අවම වශයෙන් පුද්ගලයන් දෙදෙනකු මියගොස් තවත් 10 දෙනකුට වැඩි පිරිසක් තුවාල ලබා ඇති බව පොලිසිය පැවසීය.

අනතුරට ලක්වූවන් විශ්වමඩු ප්‍රදේශයේ ඥාතීන් පිරිසකි.

පොලිසියට අනුව, ඔවුන් මහනුවර අවමංගල්‍යයකට සහභාගී වී නිවසට යමින් සිටියදී මෙම ඛේදජනක අනතුරට මුහුණ දී තිබේ.

ඔවුන් ගමන් කළ SUV රථය ඕමන්තෙයි පොලිස් ස්ථානය ආසන්නයේ ඉන්ධන පිරවුම්හලක් අසලදී පෙරළී ගොස් ඇති බව වාර්තා වේ.

එහි ප්‍රතිඵලයක් ලෙස එහි ගමන්ගත් කිහිපදෙනකු වාහනයෙන් ඉවතට විසිවී ගොස් ඉදිරියෙන් පැමිණි ලොරියක ගැටී ඇත.

අනතුර සිදුවන අවස්ථාවේ SUV රථයේ ගමන් කළ මුළු පුද්ගලයින් 15 දෙනෙකු වාර්තා වේ.

33 හැවිරිදි කාන්තාවක සහ 30 හැවිරිදි පිරිමියකු එම ස්ථානයේදීම මියගොස් ඇති අතර ඉතිරි තුවාලකරුවන් වැඩිදුර ප්‍රතිකාර සඳහා වවුනියාව දිස්ත්‍රික් මහරෝහලට ඇතුළත් කර ඇත.

තුවාල ලැබූවන්ගෙන් තිදෙනෙකුගේ තත්ත්වය බරපතල බව වාර්තා වේ.