ජනතාව රවටා මුදල් වංචා කළ බවට සැක කෙරෙන පිරමිඩ මූල්‍ය ජාලයක් පවත්වාගෙන යාම සම්බන්ධයෙන් පුද්ගලයන් දෙදෙනකු මූල්‍ය අපරාධ විමර්ශන කොට්ඨාසයේ නිලධාරීන් විසින් මීගමුවේදී අත්අඩංගුවට ගෙන තිබේ.

පිරමිඩ මූල්‍ය ආයතනයක් ක්‍රියාත්මක කිරීම, ප්‍රවර්ධනය කිරීම, දැන්වීම් පළ කිරීම, මුදල් සැපයීම සහ කළමනාකරණය කිරීම සම්බන්ධයෙන් ලැබුණු පැමිණිල්ලක් මත මෙම විමර්ශන ආරම්භ කර ඇත.

අත්අඩංගුවට පත් සැකකරුවන් 45 සහ 59 යන වයස්වල පසුවන, තිඹිරිගස්කටුව සහ මීගමුව යන ප්‍රදේශවල පදිංචිකරුවන් වේ.

මෙම සැකකටයුතු මූල්‍ය වංචාව සම්බන්ධයෙන් ඉදිරි විමර්ශන ක්‍රියාත්මක බව පොලිසිය පවසයි.