අනුරාධපුර දිස්ත්‍රික්කයෙන් වාර්තාවන අලි මිනිස් ගැටුමේ මරණ සංඛ්‍යාව ඉහළ නංවමින්, ගම්වැසියන් තිදෙනෙකු වන අලි ප්‍රහාරවලින් මියගොස් තිබේ.

ඔවුන්ගෙන් දෙදෙනෙකු එප්පාවල පදිංචිකරුවන් වන අතර අනෙක් පුද්ගලයා ප්‍රියංකරගම පදිංචිකරුවෙකි.

ඔවුන් එම ස්ථානයේදීම මිය ගොස් තිබිණි.

මියගිය එක් අයකු වූ උදය චන්දන (36) එප්පාවල පලුගස්වැව පදිංචිකරුවකු වන අතර ජාතික නිවාස අධිකාරියේ තාක්ෂණික නිලධාරියකු වශයෙන් සේවය කර ඇත.

ඔහු දරුවන් දෙදෙනෙකුගේ පියෙකි.

වන අලි ප්‍රහාරයකින් මියගිය තවත් පුද්ගලයකු වන දිසානායක මුදියන්සේලාගේ මංගල ප්‍රසාද් (48) එම ප්‍රදේශයේ ගොවියෙකි.

ඔවුන් අමුකොලේවැව කුඹුරක වැඩ කරමින් සිටියදී අසල කැලෑවෙන් පැමිණි අලියකු ඔවුන්ට පහර දුන් බව විමර්ශනවලින් හෙළි විය.

මේ අතර, තම ගෙවත්තේ වගා කටයුතුවල නිරතවෙමින් සිටි ප්‍රියංකරගම ගම්වැසියෙකු වන කිරිහාමිගේ රංග ධර්මචන්ද්‍ර (51) වන අලියකු විසින් පාගා දමා මිය ගොස් ඇත.

ඔහු අනුරාධපුර ශික්ෂණ රෝහලේ සේවකයෙකි.

එප්පාවල සහ ප්‍රියංකරගම පොලිසි මෙම සිද්ධි පිළිබඳ වැඩිදුර පරීක්ෂණ පවත්වයි.