සිංහරාජ වනාන්තරයේ ශාක හා සත්ව කොටස් එකතු කළ ඉරාන ජාතිකයන් තිදෙනකුට උඩුගම මහේස්ත්‍රාත් අධිකරණය රුපියල් මිලියන 13.2ක දඩයක් නියම කර ඇත.

එක් විත්තිකරුවකුට රුපියල් ලක්ෂ 44 බැඟින් වන පරිදි මහේස්ත්‍රාත්වරයා මෙලෙස දඩ නියම කර තිබේ.

සිංහරාජ රක්ෂිතයේ ශාක සහ සත්ව කොටස් එකතු කරමින් සිටියදී නෙළුව ලංකාගම ප්‍රදේශයේදී මෙම ඉරාන ජාතිකයන් තිදෙනා පසුගියදා අත්අඩංගුවට ගෙන ඇත.

වන සංරක්ෂණ දෙපාර්තමේන්තුවේ නෙළුව ප්‍රදේශයේ නිලධාරීන් පිරිසක් විසින් මෙම සැකකරුවන් අත්අඩංගුවට ගෙන අධිකරණයට ඉදිරිපත් කර තිබේ.