අද (11) උදෑසන 6:15ට පමණ බලංගොඩ මාදොල ප්‍රදේශයේදී බස් රථ තුනක් එකිනෙක ගැටීමෙන් අනතුරක් සිදුවී ඇති බව වාර්තා වේ.

වාර්තාවලට අනුව, පැල්මඩුල්ල සිට බලංගොඩ දක්වා ධාවනය වූ ශ්‍රී ලංගම බස් රථයක් බලංගොඩ සිට කොළඹ දක්වා ධාවනය වූ පෞද්ගලික බස් රථයක මෙන්ම එම දිශාවටම ධාවනය වූ තවත් ශ්‍රී ලංගම බස් රථයක ගැටීමෙන් අනතුර සිදුවී ඇත.

අනතුර සිදුවන අවස්ථාවේ එක් ලංගම බස් රථයක පාසල් සිසුන් ඇතුළු මගීන් සිටි බව වාර්තා වේ.

සුළු තුවාල ලැබූ පාසල් සිසුන් සහ අනෙකුත් මගීන් කිහිපදෙනකු ගිලන් රථයකින් අසල පිහිටි රෝහල් වෙත ප්‍රවාහනය කර තිබේ.