August 10, 2023
සෞඛ්‍ය අංශවලට අනුව රටේ ලාදුරු රෝගීන් සංඛ්‍යාව ඉහළ ගොස් තිබේ.
වැඩිම රෝගීන් සංඛ්‍යාවක් මොරටුවෙන් වාර්තා වී ඇති අතර එම සංඛ්‍යාව 51කි.
ඒ අතර වයස අවුරුදු 14 සහ ඊට අඩු ළමුන් 08 දෙනෙකු සිටින බව මොරටුව ප්‍රදේශයේ සෞඛ්‍ය වෛද්‍ය නිලධාරී වෛද්‍ය මංජුල තිලකරත්න පවසයි.
ජාතික ලාදුරු මර්දන ව්‍යාපාරයට අනුව, ලාදුරු රෝගීන්ගෙන් 16% ක් පමණ ළමුන් ලෙස හඳුනාගෙන ඇත.
කොවිඩ් – 19 අගුලු දැමීමේදී, අඛණ්ඩව හුදකලා වීම හේතුවෙන් පවුලේ සාමාජිකයන් අතර ලාදුරු රෝගය පැතිරීමේ අවදානම වැඩි වූ බව වෛද්‍ය මංජුල තිලකරත්න පෙන්වාදෙයි.
ලාදුරු රෝගයේ එක් ප්‍රධාන ලක්ෂණයක් නම්, රෝගයේ රෝග ලක්ෂණ පෙන්වීමට වසර දෙක තුනක් පමණ ගතවීමයි.
