ලෝක වෙළෙඳපොළේ රන් අවුන්සයක මිල අද (21)ඩොලර් 4,800 ඉක්මවා වාර්තාගත ඉහළ අගයක් සටහන් කර තිබේ.

ඒ අනුව ස්ථානීය රන් මිල අවුන්සයකට 1.2%කින් ඉහළ ගොස් ඩොලර් 4,821.26ක් වී තිබිණි.

සැසිය ආරම්භයේදී රන් මිල ඩොලර් 4,843.67ක් ලෙස වාර්තාගත ඉහළම අගය සටහන් කර තිබිණි.

යුරෝපීය රටවලට තීරු බදු පැනවීමට සහ ග්‍රීන්ලන්තය අත්පත් කර ගැනීමට උත්සාහ කිරීමේදී සිය බලහත්කාරය වැඩි කිරීමට ට්‍රම්ප් සති අන්තයේ ගත් පියවර නිසා එක්සත් ජනපදය කෙරෙහි ඇති විශ්වාසය නැති වී යෑම මින් පිළිබිඹු වේ.

අඟහරුවාදා, ට්‍රම්ප් පැවසුවේ ග්‍රීන්ලන්තය පාලනය කිරීමේ ඔහුගේ ඉලක්කයට ‘ආපසු හැරීමක්’ නොමැති බවයි.

මේ අතර, ට්‍රම්ප්ගේ තීරුබදු තර්ජනය දැඩි ලෙස විවේචනය කරමින්, ප්‍රංශ ජනාධිපති එමානුවෙල් මැක්‍රොන් ඩාවොස් හිදී පැවසුවේ යුරෝපය හිරිහැර කරන්නන්ට යටත් නොවන සහ බිය ගැන්වීමට ලක් නොවන බවයි.

ආයෝජකයන් ඩොලරය විකුණමින් සිටින බවත් ඒ වෙනුවට ඔවුන් රන් මිලදී ගන්නේ එක්සත් ජනපදයේ මුදල් ඒකකයට වඩා රන් කෙරෙහි වැඩි විශ්වාසයක් ඇති වීම හේතුවෙනි.

යුරෝ සහ ස්විස් ෆ්‍රෑන්ක්වලට සාපේක්ෂව ඩොලරය සති තුනක අවම මට්ටමට ආසන්නව පැවතිණි.

ට්‍රම්ප්ගේ කප්පාදු සඳහා වන ඉල්ලීම් නොතකා, ෆෙඩරල් සංචිතය ජනවාරි 27-28 රැස්වීමේදී පොලී අනුපාත පවත්වා ගැනීමට පුළුල් ලෙස අපේක්ෂා කෙරේ.

ස්ථානීය රිදී මිල ද ඊයේ (20) ඩොලර් 95.87ක වාර්තාගත ඉහළම අගයක් වාර්තා කර තිබිණි.

මේ අතර, ලෝක වෙළෙඳපොළේ රන් මිලට සාපේක්ෂව මෙරට රන් මිල ගණන් ද ඉහල යමින් තිබේ.

ඒ අනුව මෙරට රන් මිල අද වනවිට කැරට් 22 රන් පවුමක් සඳහා රුපියල් 381000 ඉක්මවා තිබූ බව වාර්තා වේ.