May 8, 2025
වත්මන් තත්ත්වය යටතේ විදුලි ගාස්තු නොවෙනස්ව පවත්වා ගැනීමට රජය බලාපොරොත්තු වන බව බලශක්ති අමාත්‍ය කුමාර ජයකොඩි පාර්ලිමේන්තුවේදී පැවසීය.
කළුතර දිස්ත්‍රික් පාර්ලිමේන්තු මන්ත්‍රී අජිත් පී. පෙරේරා මතුකළ ප්‍රශ්නයකට පිළිතුරු දෙමින් අමාත්‍ය ජයකොඩි මෙම ප්‍රකාශය කළේය.
අන්තර්ජාතික මූල්‍ය අරමුදලේ (IMF) අභිමතය පරිදි අනාගතයේදී විදුලි බිල වැඩිකිරීමට රජය පියවර ගන්නේ දැයි මන්ත්‍රීවරයා ප්‍රශ්න කළේය.
මෙයට ප්‍රතිචාර දක්වමින් බලශක්ති අමාත්‍යවරයා ප්‍රකාශ කළේ, රජයට ගාස්තු වැඩි කිරීමට කිසිදු අදහසක් නොමැති වුවද, රටේ ණය ආපසු ගෙවීමේදී විදුලි ගාස්තු ප්‍රධාන කාර්යභාරයක් ඉටුකරන බවයි.
