May 13, 2026
ආණ්ඩුව තවමත් තමාට එරෙහි කිසිදු චෝදනාවක් ඔප්පු කර නොමැති බව හිටපු ජනාධිපති මහින්ද රාජපක්ෂ පවසයි.
අල්ලස් හෝ දූෂණ චෝදනා විමර්ශන කොමිසම විසින් ඊයේ ප්රකාශයක් ලබා ගැනීමෙන් පසු ඉංග්රීසි පුවත්පතක් වෙත අදහස් දක්වමින් දේශපාලන දඩයම් කිරීමට යොමුවී ඇති බවට ජාතික ජන බලවේගයට ඔහු දොස් පවරා තිබේ.
තමාට එරෙහිව විවිධ චෝදනා එල්ල වුවද, රජයට කිසිවක් ඔප්පු කිරීමට නොහැකි වූ බව සඳහන් කර ඇති හිටපු ජනාධිපතිවරයා, අල්ලස් හෝ දූෂණ චෝදනා විමර්ශන කොමිසමේ නිලධාරීන්ගේ තර්ජන සහ බිය ගැන්වීම්වලට එරෙහිව කපිල චන්ද්රසේන ලබාදුන් දිවුරුම් ප්රකාශය විමර්ශනය කිරීම සඳහා විමර්ශකයන් කටයුතු කළ යුතු බව සඳහන් කර තිබේ.
“ඕනෑම පරීක්ෂණයකට මුහුණ දීමට මම සූදානම්, සාධාරණ පරීක්ෂණයක් පැවැත්වුවහොත් මම සියලු චෝදනාවලින් නිදහස් වෙනවා. මෙම රජය දේශපාලන පළිගැනීම් සඳහා යොමු වෙලා. නිමක් නැති චෝදනාවලින් පස්සෙත් ඔවුන්ට තවමත් ඔවුන්ගේ චෝදනා කිසිවක් ඔප්පු කරලා නැහැ,” යනුවෙන් රාජපක්ෂ සඳහන් කර ඇත.
“කපිල චන්ද්රසේන අධිකරණයට ලබා දුන් දිවුරුම් ප්රකාශය සහ අල්ලස් හෝ දූෂණ චෝදනා විමර්ශන කොමිසම නිලධාරීන් විසින් ඔහුට එල්ල කරන ලද තර්ජන සහ බිය ගැන්වීම් පිළිබඳ විමර්ශනය කරන්න කියලා මම විමර්ශකයන්ගෙන් ඉල්ලා සිටිනවා. මෙය රජය යටතේ දේශපාලන බිය ගැන්වීමක්. මහජනතාව සත්යය වටහා ගනී. ඔවුන්ට මෙය දිගටම කරගෙන යන්න බැහැ,” ඔහු තවදුරටත් පැවසීය.
රාජ්ය අරමුදල් විවිධ බලවේග විසින් කොල්ලකනු ලබන අතර ආර්ථිකය කඩා වැටී ඇති අවස්ථාවක, ජනතාවට පිළිතුරු දීම වෙනුවට ඔවුන්ගේ අසාර්ථකත්වයන් සහ වැරදි වසා ගැනීමට රජය දේශපාලන දඩයමකට යොමු වෙමින් සිටින බව හිටපු ජනාධිපතිවරයා තවදුරටත් පැවසීය.
රජයට සැළකිව යුතු මූල්ය පාඩු සිදු කරමින් ජාතික ගුවන් සේවය සඳහා එයාර් බස් ගුවන් යානා 14ක් මිලදී ගැනීම සම්බන්ධ චෝදනා සම්බන්ධයෙන් ප්රකාශ සටහන් කර ගැනීම සඳහා අල්ලස් කොමිසම රාජපක්ෂ සහ හිටපු අමාත්ය පියංකර ජයරත්න යන දෙදෙනාම ඊයේ කැඳවා තිබිණි.
අල්ලස් විමර්ශනයේ ප්රධාන සැකකරු ලෙස හඳුනාගෙන සිටි ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන විසින් කරන ලද හෙළිදරව් කිරීම්වලින් පසුව මෙම සිතාසිය නිකුත් කරන ලදී.
කොළඹ ප්රධාන මහේස්ත්රාත් අධිකරණය හමුවේ මෑතකදී කරන ලද කරුණු දැක්වීම්වලට අනුව, හිටපු ජනාධිපතිවරයා ධුරයේ සිටියදී රුපියල් මිලියන 60ක මුළු ගෙවීම් සඳහා පහසුකම් සැලසූ බවට චන්ද්රසේන පිළිගත් බව නඩු පවරන්නෝ ප්රකාශ කළහ.
