තරුණයෙකුට පහරදීමක් සම්බන්ධයෙන් තවමත් නිදැල්ලේ පසුවන මතභේදාත්මක ප්‍රාථමික උපකාරක පන්ති ගුරුවරියක වන හයේෂිකා ප්‍රනාන්දු පොලිස් කණ්ඩායම් තුනක් විසින් සොයමින් සිටින බව පොලිසිය පවසයි.

පසුගිය සතියේ පෞද්ගලික උපකාරක පන්ති සඳහා ‘ටීචර් අම්මා’ ලෙස ප්‍රසිද්ධියක් උසුලන හයේෂිකා ප්‍රනාන්දු, මීගමුවේදී තරුණයකුට පහරදීමේ චෝදනා මත ඔහුව රෝහල්ගත කිරීමෙන් පසු අත්අඩංගුවට ගැනීම මඟහැරීමට පටන් ගත්තේය.

කටාන පොලිසිය මූලික පරීක්ෂණ පැවැත්වීමේදී අනාවරණය වී ඇත්තේ, ගුරුවරිය තරුණයාගේ වෘෂණ කෝෂවලට පයින් ගැසූ බවත්, ඇගේ සැමියා සහ කළමනාකරු ද තරුණයාට පහරදුන් බවත්ය.

තම කාර්ය මණ්ඩලයේ තරුණියකට පරිගණක මෙහෙයුම් පුහුණු කිරීම සඳහා මෙම තරුණයා සේවයට ගෙන ඇති බවත්, එම තරුණයා විසින් අදාළ තරුණියට ලිංගික හිරිහැර කර ඇති බවත් පවසමින් ගුරුවරියද චෝදනාවක් ගුමුකර ඇත.

පසුගිය සතියේ පොලිසිය හයේෂිකා ප්‍රනාන්දුගේ සැමියා සහ කළමනාකරු අත්අඩංගුවට ගත් අතර, ඔවුන් අධිකරණයට ඉදිරිපත් කර හෙට (14) දක්වා රක්ෂිත බන්ධනාගාරගත කිරීමට නියෝග කරන ලදී.

පොලිසියට අනුව, ගුරුවරිය නිවසින් පළාගොස් ඇති අතර, ඇයගේ ජංගම දුරකථනයෙන් සියලු සන්නිවේදන කටයුතු විසන්ධි කර ඇත.