මහනුවර ඇසළ පෙරහැරට සහභාගී වූ ඇත්ගොව්වකුගේ සහායකයකු බව කියන පුද්ගලයකුගේ මළසිරුරක් අද (31) උදෑසන මහනුවර වැවේ පාවෙමින් තිබී සොයාගෙන තිබේ.

මියගිය පුද්ගලයා මහනුවර වාර්ෂික ඇසළ පෙරහැරට සහභාගී වීම සඳහා අරණායක ප්‍රදේශයේ සිට පැමිණ ඇත.

ඔහු පෙරහැරට සහභාගී වූ ඇතෙකුගේ ඇත් ගොව්වකුගේ සහායකයකු ලෙස සේවය කර තිබේ.

මියගිය පුද්ගලයා අචලංක නම් 28 හැවිරිදි තරුණයකු ලෙස හඳුනාගෙන ඇත.

සිද්ධිය සම්බන්ධයෙන් මහනුවර පොලිස් මූලස්ථානය වැඩිදුර පරීක්ෂණ පවත්වයි.