චීනයෙන් එල්ල විය හැකි ආක්‍රමණයක් සම්බන්ධයෙන් බියෙන් පසුවන තායිවානය අතිරේක ආරක්ෂක අයවැයක් යෝජනා කිරීමට සැලසුම් කර ඇතැයි වාර්තා වේ.

විදෙස් ජනමාධ්‍ය වාර්තා කළේ ඇමරිකානු ඩොලර් බිලියන 40 ක අතිරේක ආරක්ෂක අයවැයක් යෝජනා කිරීමට සැලසුම් කර ඇති බව තායිවාන ජනාධිපති ලායි චිං-ටේ නිවේදනය කර ඇති බවයි.

ජපානයේ සිට බෝර්නියෝ දක්වා විහිදෙන පළමු දූපත් දාමය උල්ලංඝනය කරමින් චීන හමුදා නිරන්තරයෙන් තම දූපත අවට ප්‍රදේශයට ආක්‍රමණය කිරීම සහ අභ්‍යාස සිදු කරමින් සිටින බව ද තායිවාන ජනාධිපතිවරයා පැවසුවේය.

ඔහු පෙන්වා දුන්නේ චීනයේ ක්‍රියාකලාපය එලෙස වුව ද තායිවානය ඉන්දු-පැසිෆික් කලාපයේ සාමය පවත්වා ගැනීමට කැපවී සිටින බවයි.

චීනයේ වේගවත් මිලිටරි ගොඩනැගීම සහ තායිවාන් සමුද්‍ර සන්ධියේ, නැගෙනහිර සහ දකුණු චීන මුහුදේ සහ ඉන්දු-පැසිෆික් හරහා ප්‍රකෝප කිරීම්, කලාපයේ සාමයේ අස්ථාවරත්වය ඉස්මතු කර ඇති බව ද ඔහු පැවසුවේය.

ඇමරිකා එක්සත් ජනපදය දිවයිනට සිය ආරක්ෂක වියදම් වැඩි කිරීමට බලපෑම් කරන බැවින්, ඉහළ මට්ටමේ හඳුනාගැනීමේ සහ අන්තර් නිරෝධන හැකියාවන් සහිත ගුවන් ආරක්ෂක පද්ධතියක් වන තායිවාන් ඩෝම් ගොඩනැගීම ඇතුළුව ආයුධ මිලදී ගැනීම් සඳහා තායිවාන ජනාධිපතිවරයා ඇමරිකානු ඩොලර් බිලියන 40 ක විශේෂ අයවැයක් ප්‍රකාශයට පත් කර ඇති බව වොෂින්ටන් පෝස්ට් පැවසීය.

චීනයේ ආක්‍රමණ තර්ජන මධ්‍යයේ අඛණ්ඩ උපාය මාර්ගයක කොටසක් ලෙස, දිවයිනේ දළ දේශීය නිෂ්පාදිතයෙන් 5% දක්වා ආරක්ෂක වියදම් ඉහළ නැංවීමට ලායි දැනටමත් ප්‍රතිඥා දී ඇති අතර 2026 සිට 2033 දක්වා වසර අටක් තුළ අයවැය වෙන් කරනු ලැබේ.