ලෝක සතුටු දර්ශකයේ 2025 සංස්කරණයේ ශ්‍රේණිගත කිරීම්වලට අනුව ශ්‍රී ලංකාව ස්ථාන පහක් පහත වැටී 133 වැනි ස්ථානයට පත්ව ඇත.

Gallup සහ එක්සත් ජාතීන්ගේ තිරසාර සංවර්ධන විසඳුම් ජාලය සමඟ එක්ව ඔක්ස්ෆර්ඩ් විශ්ව විද්‍යාලයේ යහපැවැත්ම පර්යේෂණ මධ්‍යස්ථානය විසින් ප්‍රකාශයට පත්කරන ලද මෙම වාර්තාව, රටවල් 147 ක ස්වයං-වාර්තා කරන ලද තක්සේරු කිරීම් මත පදනම්ව සමාජ හරහා සමස්ත සතුට මැනීම සඳහා සෞඛ්‍යය, ධනය, නිදහස, ත්‍යාගශීලීභාවය සහ දූෂණයෙන් මිදීම ඇතුළු විවිධ සාධක මත ඇගැයීමට ලක්කරයි.

ෆින්ලන්තය යළිත් වරක් ලෝක සතුට ශ්‍රේණිගත කිරීම්වල ඉහළින්ම සිටින අතර එක්සත් ජනපදය අංක 24 වැනි ස්ථානයේ රැඳීසිටියි.

පසුගිය වසරේ දර්ශකයේ 128 වැනි ස්ථානයේ සිටි ශ්‍රී ලංකාව, මාර්තු 20 වැනි දින එක්සත් ජාතීන්ගේ සංවිධානයේ සතුට පිළිබඳ අන්තර්ජාතික දිනය නිමිත්තෙන් නිකුත් කළ වාර්ෂික වාර්තාවේ 13 වැනි සංස්කරණයේ 133 වැනි ස්ථානය දක්වා පහත වැටී ඇත.

දර්ශකයට අනුව, ශ්‍රී ලංකාව සාමාන්‍ය ජීවිත ඇගයීම 3.891 (10 න්) ලෙස ලබා ඇති අතර එය ශ්‍රේණිගත කර ඇත්තේ බංග්ලාදේශය, ඊජිප්තුව, යේමනය, සිම්බාබ්වේ, ලෙබනනය, සෙයිරා ලියොන් සහ ඇෆ්ගනිස්ථානය වැනි රටවලට පමණි.

ලොව ප්‍රීතිමත්ම රට වන ෆින්ලන්තය වසර අටක් පුරාවට එහි අංක 1 ස්ථානයේ රැඳී සිටීමට සමත් වී ඇත.

නැගීඑන සමාජ හුදෙකලාව සහ දේශපාලන ධ්‍රැවීකරණය මධ්‍යයේ 2025 ලෝක සතුට දර්ශකයේදී එක්සත් ජනපදය ඉතිහාසයේ එහි පහළම ශ්‍රේණිගත කිරීම දක්වා පහත වැටිණි.

ෆින්ලන්තය මෙම වසරේ පළමු ස්ථානයේ පසුවන අතර, අනතුරුව පිළිවෙළින් පසුවන්නේ ඩෙන්මාර්කය, අයිස්ලන්තය, ස්වීඩනය, නෙදර්ලන්තය, කොස්ටාරිකාව, නෝර්වේ, ඊශ්‍රායලය, ලක්සම්බර්ග් සහ මෙක්සිකෝව යන රටවල් වේ.

දර්ශකයේ පහළම ස්ථානයේ ඇෆ්ගනිස්තානය පසුවන අතර, සියරා ලියොන්, ලෙබනනය, මලාවි, සිම්බාබ්වේ, බොට්ස්වානා, කොංගෝ ප්‍රජාතන්ත්‍රවාදී ජනරජය, යේමනය, කොමරෝස් සහ ලෙසෝතෝ යන රාජ්‍යයන් ඉන් අනතුරුව පිළිවෙලින් පසුවෙයි.