May 4, 2023
ශ්‍රී ලංකා රජය රජය සතු ව්‍යවසායන් ප්‍රතිව්‍යුහගතකරණය කිරීමේ උපායමාර්ගය ජූනි මාසයේදී ලංකා හොස්පිට්ල් සමඟින් ආරම්භ වීමට ඉඩ ඇති බව වාර්තාවේ. ඒ අතර මෙරට ප්‍රමුඛතම ස්ථාවර දුරකථන ක්‍රියාකරු වන ශ්‍රී ලංකා ටෙලිකොම් ගනුදෙනුව ජපාන සමාගමක් සමඟ ජුනි මාසයේදීම අවසන් කිරීමට අපේක්ෂා කරන බවද සමීප ආරංචි මාර්ග පවසයි.
ශ්‍රී ලංකා ටෙලිකොම් සහ ලංකා හොස්පිට්ල් යන දෙකම ප්‍රතිව්‍යුහගතකරණය කිරීමට අපේක්ෂිත රජය සතු ව්‍යවසායන් (SOE) 14ක් යටතේ ලැයිස්තුගත කර ඇත.
එම ව්‍යාපාර, ශ්‍රී ලංකාව අන්තර්ජාතික මූල්‍ය අරමුදල සමඟ එකඟ වී ඇති කොන්දේසිවලට අනුකූලව, රජය විසින් පාලනය කරනු ලබන ව්‍යාපාර සහ SOE වලට සිදුවන පාඩු අවම කිරීම සඳහා පෞද්ගලිකරණය කිරීමට අපේක්ෂා කෙරේ.
මෙලෙස රජය සතු ව්‍යාපාර ප්‍රතිව්‍යුහගතකරණය කිරීමෙන් ඩොලර් බිලියන 4.5ක් උපයා ගැනීමට රජය අපේක්ෂා කරයි.
