තායිලන්තයේ බැංකොක් හි සුවර්ණභූමි ගුවන්තොටුපළේ සිදුකරන ලද ආරක්ෂක පරීක්ෂාවන්වලදී, සජීවී වන සතුන් ජාවාරම් කිරීමට උත්සාහ කළ විදේශීය ජාතිකයන් දෙදෙනෙකු අත්අඩංගුවට ගෙන ඇති අතර, ඔවුන් අතර ඉන්දියාවට සහ ශ්‍රී ලංකාවට ප්‍රවාහනයට කිරීමට සූදානම් කර තිබූ ජීවීන් දුසිම් ගණනක් බේරා ගැනීමට නිලධාරීන් සමත්ව තිබේ.

පළමුව, මැයි 26 වැනි දින රාත්‍රියේ, ඉන්දියාවේ බැංගලෝර් සිට පැමිණි තායි එයාර්වේස් ගුවන් යානයෙන් ආපසු ලබාදුන් ගමන් මලු තොගයක් නිලධාරීන් විසින් අත්අඩංගුවට ගන්නා ලදී.

නිලධාරීන් එහි සිටි සජීවී නිල් ඉගුවානා සත්වයන් 20 ක් සහ සජීවී සල්කාටා ඉබ්බන් 2ක් සිය භාරයට ගෙන තිබේ.

මෙම පැකේජය TG325 ගුවන් යානයෙන් බැංකොක් සිට ඉන්දියාවට යෑමට උත්සාහ කළ ඉන්දියානු මගියෙකුට අයත් බව විමර්ශනයේදී හෙළිවිය.

පසුව, සුවර්ණභූමි සිට කොළඹ දක්වා ශ්‍රීලංකන් ගුවන් සේවයේ UL405 ගුවන් යානයට නැගීමට උත්සාහ කළ ශ්‍රී ලාංකික මගියකු නිලධාරීන් විසින් අත්අඩංගුවට ගන්නා ලදී.

සැකකරුගේ ගමන් මලුවල සඟවා තිබූ සජීවී හයසින්ත් මැකෝ සතුන් 2ක්, සජීවී මීර්කට් සතුන් 2ක් සහ සජීවී Prairie dogs වර්ගයේ සත්වයෙක් සොයාගෙන තිබේ.

සැකකරුවන් දෙදෙනාටම තායිලන්ත වනජීවී සංරක්ෂණ හා ආරක්ෂණ පනත, රේගු පනත සහ සත්ව වසංගත පනත යටතේ චෝදනා එල්ල වී ඇත.

නඩු පැවරීම සඳහා ඔවුන් සුවර්ණභූමි ගුවන්තොටුපළ පොලිස් ස්ථානයේ විමර්ශකයන් වෙත යොමුකර ඇත.

මෙම සාර්ථක මෙහෙයුම් මගින් ජාතික වනෝද්‍යාන, වනජීවී සහ ශාක සංරක්ෂණ දෙපාර්තමේන්තුවේ ජාතික වනෝද්‍යාන, වනජීවී සහ ශාක සංරක්ෂණ දෙපාර්තමේන්තුවේ නීති විරෝධී වනජීවී ආනයන හා අපනයන ක්‍රියාකාරකම් දැඩි ලෙස මැඩපැවැත්වීම සඳහා අදාළ ආයතන සමඟ සහයෝගයෙන් කටයුතු කිරීමට ඇති කැපවීම පිළිබිඹු වන බව සදුදී අවධාරණය කළේය.