සංචාරක ශ්‍රී ලංකා 19න් පහළ කාන්තා කණ්ඩායම සහ නවසීලන්ත 19න් පහළ කාන්තා කණ්ඩායම අතර පැවති එක්දින තරගයේ දී ලකුණු 55ක විශිෂ්ට ජයක් හිමිකර ගැනීමට ශ්‍රී ලංකා කණ්ඩායම සමත්ව තිබේ.

නවසීලන්තයේ බ්‍රිස්බේන් නුවර පැවති මෙම තරගයේ කාසියේ වාසිය හිමිවූ ශ්‍රී ලංකා කණ්ඩායම පළමුවෙන් පන්දුවට පහර දීමට තීරණය කළේය.

ඒ අනුව ශ්‍රී ලංකා 19න් පහළ කාන්තා කණ්ඩායම සියලුදෙනා දැවී ලකුණු 159ක් රැස්කළ අතර ශ්‍රී ලංකා කණ්ඩායම වෙනුවෙන් වැඩිම ලකුණු සංඛ්‍යාව වන ලකුණු 34 රැස්කළේ සුමුදු නිසන්සලායි.

පිළිතුරු ඉනිම ක්‍රීඩා කළ නවසීලන්ත කණ්ඩායම පන්දුවාර 35යි පන්දු දෙකකදී ලකුණු 104කට සීමා කිරීමට ශ්‍රී ලංකා පන්දු යවන්නියන්ට හැකිව තිබිණි.

එහිදී චමුදි ප්‍රබෝධා ලකුණු 24ට කඩුලු 4ක් සහ ලිමන්සා තිලකරත්න ලකුණු 31ට කඩුලු 3ක් දවාගැනීමට සමත්ව තිබේ.

ශ්‍රී ලංකා 19න් පහළ කාන්තා කණ්ඩායම නවසීලන්ත 19න් පහළ කාන්තා කණ්ඩායම සමග තරග තුනකට සහභාගී වීමට නියමිතය.