බදාදා බංග්ලාදේශයට එරෙහිව පැවති පළමු එක්දින තරගයේදී ශ්‍රී ලංකාවට ලකුණු 5 ක දඩයක් නියම කෙරිණි.

එහි විශේෂත්වය වූයේ, අන්තර්ජාතික ක්‍රිකට් ක්‍රීඩාවේ ස්ථිර රීතියක් බවට පත්වීමෙන් පසු අන්තර්ජාතික ක්‍රිකට් කවුන්සිලය (ICC) ‘නැවතුම් ඔරලෝසු නියාමනය'(stop-clock regulation) ක්‍රියාත්මක කරන පළමු අවස්ථාව එය වීමයි.

ශ්‍රී ලංකාව ඉනිමේ තුන්වැනි වරටත් නව ඕවරයක් ආරම්භ කිරීමට තත්පර 60ක කාලයක් ඉක්මවා ගිය පසු ආර්. ප්‍රේමදාස ක්‍රීඩාංගණයේදී දඬුවම ක්‍රියාත්මක කරන ලදී.

ICCය විසින් ක්‍රීඩාංගණයේ ක්‍රීඩා කොන්දේසි යටතේ, එවැනි ප්‍රමාදයන් සඳහා අනතුරු ඇඟවීම් දෙකක් සඳහා අවසර දී ඇත. තුන්වැනි උල්ලංඝනයක් සිදුවුව හොත්, එහිදී පිතිකරණ කණ්ඩායමට ස්වයංක්‍රීයව ලකුණු පහක දඬුවමක් හිමිවේ.

පිටියේ විනිසුරුවන් 36 වැනි ඕවරය ආරම්භයේදී දඬුවම් සංඥා කළ අතර, බංග්ලාදේශයේ මුළු එකතුවට අමතර ලකුණු ලෙස ලකුණු පහක් එකතු කෙරිණි.

ශ්‍රී ලංකා නායක චරිත් අසලංක තීන්දුවෙන් පසු විනිසුරුවන් සමඟ කතාකරනු දක්නට ලැබුණද, බංග්ලාදේශයට අමතර ලකුණු ලබාදී තරගය නැවත ආරම්භ කෙරිණි.

ශ්‍රී ලංකා දඟ පන්දු යවන ක්‍රීඩක වනිඳු හසරංග පසුව පැවසුවේ අසලංක “විනිඳුන්ට පැහැදිලි කිරීමට උත්සාහ කරමින් සිටියේ” ප්‍රමාදය අනපේක්ෂිත දෙයක් බවයි.

කෙසේවෙතත් මෙම බාධකය නොතකා, ශ්‍රී ලංකාව තරගය ලකුණු 77 කින් ජයග්‍රහණය කළේය. ශ්‍රී ලංකාවේ ලකුණු 244 ට පිළිතුරු වශයෙන් බංග්ලාදේශය ලකුණු 167 කට දැවීගිය අතර එයට දඬුවම් ලකුණු පහක් ඇතුළත් විය.