February 19, 2024
හිටපු ජනාධිපති ආර්යා ශිරන්ති රාජපක්ෂට රජයේ ගෙවීම් සහ විශ්‍රාම වැටුප් වෙන්කර ඇති බවට භික්ෂූන් වහන්සේ නමක් කරන චෝදනා හිටපු ජනාධිපති මහින්ද රාජපක්ෂගේ කාර්යාලය ප්‍රතික්ෂේප කරයි.
මිහින්තලා රජමහා විහාරාධිපති වළහාහැංගුණවැවේ ධම්මරතන හිමියන් විසින් හිටපු ජනාධිපති ආර්යාව විශ්‍රාම වැටුප් සහ රජයේ ගෙවීම් කිහිපයක් ලබාගෙන ඇති බව පසුගියදා ප්‍රකාශ කර තිබිණි.
එම චෝදනාවලට ප්‍රතිචාර දක්වමින් හිටපු ජනාධිපති කාර්යාලය පැහැදිලි කර ඇත්තේ, වළහාහැංගුණවැවේ ධම්මරතන හිමියන්ගේ ප්‍රකාශය තහවුරු නොකළ තොරතුරු මත පදනම් වූවක් බැවින් මෙම ප්‍රකාශ තරයේ ප්‍රතික්ෂේප කරන බවයි.
