February 19, 2024
වියළි කාලගුණය හේතුවෙන් ජල මට්ටම් පහත වැටීම පිළිබඳව කනස්සල්ලට පත්ව සිටින ජාතික ජල සම්පාදන හා ජලාපවහන මණ්ඩලය කැලණි ගඟ හරහා ලවණ බාධකයක් ඉදිකිරීමට සැලසුම් කර තිබේ.
මණ්ඩලයේ නියෝජ්‍ය සාමාන්‍යාධිකාරී ඉංජිනේරු අනෝජා කළුආරච්චි පවසන පරිදි බාධකයේ ‘මූලික කටයුතු’ දැනටමත් සිදුවෙමින් පවතී.
කෙසේවෙතත්, දැනට පවතින ජල ධාරිතාව යොදාගනිමින් ජලය බෙදාහැරීම අඛණ්ඩව සිදුකරන බව ඇය සඳහන් කරයි.
දීර්ඝ වියළි කාලගුණික තත්ත්වය හේතුවෙන් ශ්‍රී ලංකාවේ ජල සම්පතට ඇති වන බලපෑම පිළිබඳ කනස්සල්ල මධ්‍යයේ මෙම ප්‍රකාශය සිදුකෙරී ඇත.
මෙම තත්ත්වයන් හේතුවෙන් ‘ජල පරිභෝජනය ඉහළ ගොස් ඇති’ බැවින් ජලය අරපිරිමැස්මෙන් භාවිත කරන ලෙස ජාතික ජල සම්පාදන හා ජලාපවහන මණ්ඩලය පාරිභෝගිකයින්ගෙන් ඉල්ලා සිටී.
