සමගි ජන බලවේගයේ කෘත්‍යාධිකාරී මණ්ඩලය සඳහා නවක සාමාජිකයන් පත්කිරීමේ දී තරුණයන්ට අවස්ථාව ලබාදීමට මෙවර කටයුතු කර ඇතැයි එම පක්ෂය පවසයි.

ඒ අනුව ඊයේ (16) සමගි ජන බලවේගයේ කෘත්‍යාධිකාරී මණ්ඩලය රැස්වූ අවස්ථාවේ දී නවක සාමාජිකයන් ලෙස චරිත් අබේසිංහ, වැරුණ රාජපක්ෂ, මහේෂ් සේනානායක, වෛද්‍ය චමල් සංජීව සහ සංජීව ධම්මික යන නියෝජිතයන් රැසක් පත්කර ඇත.

මෙම පිරිස ඊයේ (16) පෙරවරුවේ විපක්ෂ නායක කාර්යාලයේ දී, සමගි ජන බලවේගයේ නායක, විපක්ෂ නායක සජිත් ප්‍රේමදාස අතින් සිය පත්වීමේ ලිපි ලබාගත්හ.

මෙම අවස්ථාව සඳහා සමගි ජන බලවේගය මහලේකම් රංජිත් මද්දුමබණ්ඩාරද එක්ව සිටියේය.