January 13, 2025
දෙමළ ප්‍රගතිශීලී සන්ධානයේ (TPA) නායක මනෝ ගනේසන් ජනාධිපති අනුර කුමාර දිසානායකගෙන් ඉල්ලා ඇත්තේ, චීන ආයතනවලින් මීට පෙර මුදල් ලබාගත් පුද්ගලයන්ගේ නම් සඳහන් කරන ලෙසයි.
‘X’ පිළිබඳ ප්‍රකාශයක් නිකුත් කරමින් පාර්ලිමේන්තු මන්ත්‍රී මනෝ ගනේසන් පවසන්නේ, අනාගතයේදී ව්‍යාපෘතිවලට සම්බන්ධ වීමේදී ශ්‍රී ලංකා අතරමැදියන්ට මුදල් ගෙවීමට සිදුනොවන බව ජනාධිපතිවරයා සිය චීන සංචාරයේදී චීන ආයතනවලට දැනුම්දීමට නියමිත බවයි.
“එහෙත් මෙහිදී ප්‍රශ්නයක් පැන නගී, එවැනි පණිවිඩයක් චීන ආයතනවලට දැනුම්දෙනවා නම් ඉන් අදහස් වන්නේ, ඔවුන් අතරමැදියන්ට එවැනි මුදල් ලබාදෙන ආයතන ලෙස හඳුනා තිබෙන බව නේද?” යනුවෙන් මන්ත්‍රීවරයා සඳහන් කරයි.
අතීතයේ දී එලෙස මුදල් ලබාගත් අතරමැදියන් තවදුරටත් ප්‍රමාදයකින් තොරව නම් කිරීම ජනාධිපති දිසානායක සිදුකළ යුතු වැදගත් කටයුත්තක් බව මන්ත්‍රී මනෝ ගනේසන් අවධාරණය කරයි.
ජාතික ජන බලවේගය ඔවුන්ගේ මැතිවරණ ව්‍යාපාරයේදී පොරොන්දු වූ පරිදි ශ්‍රී ලංකාවේ දූෂණය අවසන් කිරීම සඳහා එය බොහෝසේ උපකාර වන බවද ඔහු පෙන්වාදෙයි.
