August 22, 2026
වෙනස් වන උද්ධමනය, විදේශ විනිමය සහ ප්රාග්ධන ගැලීම් හමුවේ වසරේ ඉතිරි කාලය සඳහා ණය පොලී අනුපාත ඉහළ නොදමන බවට පසුගිය අගෝස්තු 12 වැනිදා මහ බැංකු අධිපතිවරයා ලබා දුන් ඉදිරි මාර්ගෝපදේශනය පිළිබඳ එක්සත් ජාතික පක්ෂයේ හිටපු නියෝජ්ය නායක පාර්ලිමේන්තු මන්ත්රී රවි කරුණානායක ප්රශ්න කළේය.
ඔහු විමසා සිටියේ “වසරේ ඉතිරි කාලය සඳහා පොලී අනුපාත ඉහළ දැමිය නොහැකි බවට මහ බැංකු අධිපතිවරයෙකුට ප්රකාශ කරන්නේ කෙසේද? මේවා වෙනස් වන සංවේදී කාරණා මිස ස්ථාවර මෙහෙයුම් නෙමෙයි,” යනුවෙනි.
මීට අමතරව, මහ බැංකුවේ 2025 ශුද්ධ ලාභය සහ රජයට ලබාදෙන ප්රදානයන් පිළිබඳ විනිවිදභාවයක් අවශ්ය බව ද ඔහු අවධාරණය කළේය.
එමෙන්ම මන්ත්රීවරයා විමසා සිටියේ ණය සේවාකරණ පිරිවැය අඩුකර ගැනීමට සහ රුපියල ශක්තිමත් කිරීමට සක්රීය වගකීම් කළමනාකරණ පනත සක්රීය කිරීමට රජය පියවර ගන්නේද යන්නයි.
